شیخ الاسلام ڈاکٹر طاہرالقادری کل ختم نبوت کانفرنس سے خطاب کریں گے

جمعہ 11 اپریل 2025 23:23

لاہور (اُردو پوائنٹ اخبارتازہ ترین - آن لائن۔ 11 اپریل2025ء)تحریک منہاج القرآن کے بانی وسرپرست اعلیٰ شیخ الاسلام پروفیسر ڈاکٹر محمد طاہرالقادری 13اپریل کو شاہ ہمدان اسلامک کمپلیکس، سگھر شریف تلہ گنگ میں بین الاقوامی ختمِ نبوتؐ کانفرنس سے خطاب کریں گے۔کانفرنس کا اہتمام عظیم روحانی پیشواپیر سید محمد شاہؒ کے عرس کے موقع پر کیا گیا ہے۔ ختم نبوت کانفرنس کی صدارت سجادہ نشین سید مقصود احمد ہمدانی کریں گے۔

(جاری ہے)

کانفرنس میں جید علمائے کرام،مشائخ عظام ،مذہبی ،سیاسی و سماجی رہنما اور تحریک منہاج القرآن تلہ گنگ کے قائدین و کارکنان شریک ہوں گے۔تحریک منہاج القرآن تلہ گنگ کیناظم امتیاز احمد طاہر نے کہا ہے کہ عظیم الشان ختم نبوت کانفرنس کے انعقاد میں تحریک منہاج القرآن تلہ گنگ انتظام و انصرام میں شریک ہے۔اس وقت عقیدہ ختم نبوت کے بارے میںعوام کو قرآن و سنت کی روشنی میں تعلیم دینے کی از حد ضرورت ہے۔ایک سازش کے تحت عقیدہ ختم نبوت پر حملے کئے جا رہے ہیں۔عقیدہ ختم نبوت ایمان کی اصل اور روح ہے۔انشا اللہ تعالیٰ شیخ الاسلام کے خطاب سے ہر قسم کے ابہام کا خاتمہ ہو گا۔