Live Updates

مودی مسلمان دشمن‘ اسلام اور مسلمان کے مقابلے میں جہاں کوئی محاذ ملے گا مودی وہاں کھڑا ہو جائے گا‘مولانا فضل الرحمٰن

منگل 29 اپریل 2025 21:35

لاہور(اُردو پوائنٹ اخبارتازہ ترین - آن لائن۔ 29 اپریل2025ء) وفاقی وزیرداخلہ محسن نقوی کی جمعیت علمائے اسلام کے سربراہ مولانا فضل الرحمن سے اہم ملاقات میں باہمی دلچسپی کے امورُ پاک بھارت کشیدگی اور فلسطین ایشو پر تبادلہ خیال ہوا۔وفاقی وزیرداخلہ محسن نقوی نے بھارت کے غیر منطقی اور یکطرفہ اقدامات پر پاکستان کے اصولی موقف اور فیصلوں پر مولانا فضل الرحمن کو اعتماد میں لیا۔

(جاری ہے)

وفاقی وزیرداخلہ محسن نقوی نے مولانا فضل الرحمن کو نیشنل سکیورٹی کمیٹی کے فیصلوں کے بارے بھی آگاہ کیا۔مولانا فضل الرحمان نے کہا کہ مودی مسلمان دشمن ہے‘ اسلام اور مسلمان کے مقابلے میں جہاں کوئی محاذ ملے گا مودی وہاں کھڑا ہو جائے گا۔محسن نقوی نے کہا کہ بھارت آگ سے کھیلنے کی کوشش کر رہا ہے۔ پاکستان کسی بھی مہم جوئی کا پوری قوت سے جواب دے گا۔ وزیرداخلہ محسن نقوی نے مولانا فضل الرحمن کی خیریت دریافت کی اور ان کی صحت کیلئے نیک خواہشات کا اظہار کیا۔