کمشنر کی زیرِ صدارت سرگودہا ویسٹ مینجمنٹ کمپنی کے ستھراء پنجاب پر پیش رفت بارے جائزہ اجلاس کا انعقاد

ہفتہ 12 اپریل 2025 17:51

سرگودھا (اُردو پوائنٹ اخبارتازہ ترین - اے پی پی۔ 12 اپریل2025ء) کمشنر سرگودہا ڈویژن جہانزیب اعوان نے نجی کمپنیوں کا گریس ٹائم ختم ہونے پر ستھرا پنجاب انڈیکیٹرز مکمل نہ کرنے والی کمپنیوں کو پلنٹی ڈالنے سمیت معاہدے کے مطابق کارروائی کرنے کا حکم دیا ہے۔ انہوں نے چاروں ڈپٹی کمشنرز اور اسسٹنٹ کمشنرز کو ایس ڈبلیو ایم سی کے افسران اور نجی کمپنی کی انتظامیہ سے اجلاس کر کے ان کی ستھرا پنجاب بارے اب تک کی کارکردگی کا جائزہ لینے کی ہدایت بھی کی ہے۔

وہ ہفتہ کے روز اپنے کانفرنس روم میں ایس ڈبلیو ایم سی کے ستھرا پنجاب پر پیش رفت بارے جائزہ اجلاس سے خطاب کر رہے تھے۔ کمشنر نے کہا کہ ڈویژن کی تمام 18 تحصیلوں میں ستھرا پنجاب پر معمور نجی کمپنیوں کے پاس درکار مشینری اور افرادی قوت پوری ہونی چاہیے۔

(جاری ہے)

گاڑیوں پر ٹریکرز نصب ہو، لینڈ فلتھ سائٹس پر کنڈا جات اورکیمرے لگے ہوں نیز جو کمپنی طے شدہ معاہدے کی خلاف ورزی کرے اسے پلنٹی ڈالی جائے تاکہ ستھرا پنجاب کے اصل اہداف کو حاصل کیا جا سکے۔

ورکرز کی حاضری اور فیلڈ میں موجودگی، اوقات کار کی سختی سے پابندی ، گھر گھر سے کوڑا کرکٹ اکٹھاکرنے کے ساتھ میکینیکل سویپنگ ، سڑکوں کی دھلائی، محلہ جات، کمرشل و دیگر مقامات کی صفائی ستھرائی ایس او پیز کے مطابق ہونی چاہیے۔ کمشنر نے مزید کہا کہ ایس ڈبلیو ایم سی میں جزا اور سزا کا عمل ساتھ ساتھ جاری رکھا جائے۔ کمپنی کا مانیٹرنگ سٹاف ستھرا پنجاب کے تمام انڈیکیٹرز کی مانیٹرنگ کو یقینی بنائیں۔

شہری و دیہی علاقوں میں صفائی اپ ٹو مارک ہونی چاہیے۔ اجلاس میں سی ای او ایس ڈبلیو ایم سی رانا شاہد عمران نے نجی کمپنیوں کو انڈیکیٹرز مکمل نہ کرنے پر پلنٹی ڈالنے کے طریقہ کار سے آگاہ کیا۔ اجلاس میں ڈپٹی کمشنر سرگودہا کیپٹن ریٹائرڈ محمد وسیم اور ڈائریکٹر لوکل گورنمنٹ آصف اقبال ملک شریک ہوئے، جبکہ ڈپٹی کمشنر خوشاب فروہ عامر، ڈپٹی کمشنر میانوالی خالد گورائیہ اور ڈپٹی کمشنر بھکر محمد اشرف و کمپنی کے افسران نے ویڈیو لنک کے ذریعے شرکت کی۔