لاہور سمیت پنجاب کے بیشتر علاقوں میں موسم گرم و خشک رہنے کا امکان ہے، محکمہ موسمیات

ہفتہ 12 اپریل 2025 17:54

لاہور (اُردو پوائنٹ اخبارتازہ ترین - اے پی پی۔ 12 اپریل2025ء) محکمہ موسمیات نے پیشگوئی کی ہے کہ آئندہ چوبیس گھنٹوں کے دوران صوبائی دارالحکومت لاہور سمیت پنجاب کے بیشتر علاقوں میں موسم گرم اور خشک رہنے کا امکان جبکہ میدانی علاقوں میں تیز ہوائیں چلنے اور درجہ حرارت معمول سے زیادہ رہنے کی توقع ہے ۔

(جاری ہے)

ترجمان محکمہ موسمیات کے مطابق آئندہ چوبیس گھنٹوں کے دوران پنجاب بھر میں موسم گرم اور خشک رہنے کا امکان ہے جبکہ گزشتہ چوبیس گھنٹوں کے دوران پنجاب میں موسم جزوی طور پر ابر آلود رہا۔

لاہور میں کم سے کم درجہ حرارت 19 اور زیادہ سے زیادہ33 سینٹی گریڈ ریکارڈ کیا گیا جبکہ ہوا میں نمی کا تناسب28 فیصد رہا ۔لا ہور میں آلودگی کی مجموعی شرح 82فیصد رہی جبکہ شہر کے مختلف علاقوں میں ایئر کولٹی انڈیکس عسکری ٹین115 ،پاور زون 141،پو لو گرائونڈ 94،سید مراتب علی روڈ117 ، اڈا پلاٹ 102 اور غازی روڈ90ایئر کوالٹی انڈیکس ریکارڈ کیا گیا۔