Live Updates

پاکستان سپر لیگ 2025 کے سلسلے میں پانچواں میچ (کل) دفاعی چیمپیئن اسلام آباد یونائیٹڈ اور پشاور زلمی کے درمیان راولپنڈی کرکٹ اسٹیڈیم میں کھیلا جائے گا

اتوار 13 اپریل 2025 10:50

راولپنڈی (اُردو پوائنٹ اخبارتازہ ترین - اے پی پی۔ 13 اپریل2025ء) پاکستان سپر لیگ (پی ایس ایل) 2025 کے سلسلے میں پانچواں میچ کل(پیر کو) دفاعی چیمپیئن اسلام آباد یونائیٹڈ اور پشاور زلمی کے درمیان راولپنڈی کرکٹ اسٹیڈیم میں کھیلا جائے گا۔ میچ رات 8 بجے شروع ہو گا۔ اسلام آباد یونائیٹڈ کو شاداب خان لیڈ کر رہے ہیں اور دیگر نمایاں کھلاڑیوں میں کولن منرو، جیسن ہولڈر، نسیم شاہ، عماد وسیم، سلمان آغا شامل ہیں۔

(جاری ہے)

پشاور زلمی مایہ ناز بیٹر بابر اعظم کی زیر قیادت میدان میں اترے گی اور انہیں ٹام کوہلر کیڈمور، صائم ایوب، محمد حارث، الزاری جوزف، حسین طلعت، سفیان مقیم جیسے باصلاحیت کھلاڑیوں کی خدمات حاصل ہیں۔ پی ایس ایل کے اس اہم مقابلے میں دونوں ٹیمیں پوائنٹس ٹیبل پر اپنی پوزیشن بہتر بنانے کی کوشش کریں گی۔ شائقین کرکٹ راولپنڈی کے تاریخی اسٹیڈیم میں ایک دلچسپ اور سنسنی خیز مقابلے کی توقع کر رہے ہیں۔ میچ کی تمام تیاریاں مکمل کر لی گئی ہیں اور سیکیورٹی کے سخت انتظامات کیے گئے ہیں۔