سندھ: گٹکا ماوا فروخت کرنیوالوں کیخلاف ایف آئی آر درج کروانے کا حکم

عدالت نے درخواست قابلِ سماعت ہونے پر دلائل طلب کر لیے،مزید سماعت ایک ہفتے کے لیے ملتوی

پیر 14 اپریل 2025 17:51

کراچی (اُردو پوائنٹ اخبارتازہ ترین - این این آئی۔ 14 اپریل2025ء)سندھ ہائی کورٹ نے گٹکا ماوا فروخت کرنے والوں کے خلاف ایف آئی آر درج کرانے کا حکم دے دیا۔عدالت کے آئینی بینچ سے گٹکے ماوے پر پابندی سے متعلق عدالتی احکامات پر عمل درآمد کے لیے درخواست کی گئی۔

(جاری ہے)

درخواست گزار نے عدالت کو آگاہ کیا کہ عدالتی احکامات کے باوجود گٹکا، ماوا اور مین پوری کی خرید و فروخت جاری ہے۔عدالت نے درخواست قابلِ سماعت ہونے پر دلائل طلب کر لیے۔عدالت نے کہا کہ اگر کوئی مسئلہ ہے تو گٹکا ماوا فروخت کرنے والوں کے خلاف ایف آئی آر درج کرائیں۔عدالت نے درخواست کی مزید سماعت ایک ہفتے کے لیے ملتوی کر دی۔