بھارت اور چین کے درمیان مسافر پروازوں کی بحالی پر بات چیت کا پہلا دورمکمل

منگل 15 اپریل 2025 11:55

بیجنگ ، ممبئی(اُردو پوائنٹ اخبارتازہ ترین - این این آئی۔ 15 اپریل2025ء)بھارت اور چین کے درمیان براہ راست مسافر پروازوں کی بحالی سے متعلق مذاکرات کا کا پہلا دور مکمل ہو گیا ہے۔ میڈیارپورٹس کے مطابق بھارت نے کہا کہ ابھی تک دونوں ممالک نے مسافروں کے لیے فضائی سروس کی بحالی کی کوئی تاریخ طے نہیں کی ہے۔بھارت اور چین کے درمیان پانچ برس قبل لائن آف ایکچوئل کنٹرول (ایل اے سی)پر ہونے والی مہلک جھڑپوں کے بعد سے تعلقات کشیدہ چلے آ رہے ہیں۔

(جاری ہے)

رواں برس جنوری میں دونوں ممالک نے اپنے تجارتی اور معاشی اختلافات کو ختم کرنے کے لیے کام کرنے پر اتفاق کیا تھا۔اس حوالے سے ایوی ایشن کے شعبے میں تعطل کا خاتمہ بھی دونوں ممالک کے پیش نظر تھا۔بھارت کے سول ایوی ایشن سیکریٹری وملونمانگ ووالنام نے نیو دہلی میں انڈین چیمبر آف کامرس کے زیراہتمام کانفرنس کے دوران کہا کہ سول ایوی ایشن اتھارٹی اور چینی ادارے کے درمیان ملاقاتوں کا ایک دور ہوا ہے۔انہوں نے تفصیلات میں جائے بغیر کہا کہ ابھی کچھ معاملات حل ہونا باقی ہیں۔