لاہورپارکنگ کمپنی کاشہریوں کیلئے پارکنگ کا جدید سسٹم متعارف

لبرٹی، کریم بلاک ،برکت مارکیٹ میں کیش لیس پارکنگ ماڈل متعارف کرایا جائیگا

منگل 15 اپریل 2025 17:06

لاہور(اُردو پوائنٹ اخبارتازہ ترین - این این آئی۔ 15 اپریل2025ء)جدید، ڈیجیٹل ،کیش لیس پارکنگ نظام کی جانب اہم پیشرفت ہوئی ہے ، لبرٹی، کریم بلاک ،برکت مارکیٹ میں کیش لیس پارکنگ ماڈل متعارف کرایا جائے گاشہری کیو آر کوڈ کے ذریعے پارکنگ فیس ادا کرسکیں گے، کریم بلاک مارکیٹ ،برکت مارکیٹ میں جدید سسٹم کا آغاز آئندہ ہفتے شروع ہو گا، کریم بلاک برکت مارکیٹ میں کیمرے، بیرئیرز ،کیو آر کوڈ سسٹم متعارف کروایا جائے گا۔

(جاری ہے)

مارکیٹوں کو لبرٹی کی طرز پر سٹیٹ آف دی آرٹ ماڈل سائٹس میں تبدیل کیا جائے گا، کیش لیس ماڈل سے عوام کو تیز رفتار، شفاف ،محفوظ پارکنگ سروسز کی فراہمی ہوگی۔تمام نئے ماڈل سائٹس پر کیو آر کوڈ، کیمرہ مانیٹرنگ ،ڈیجیٹل ادائیگی کا نظام نافذ کیا جا رہا ہے، مذکورہ پارکنگ سائٹس مرکزی ڈیش بورڈ سے منسلک ہوں گی۔مال روڈ، نکی مارکیٹ ،ہال روڈ پر بھی ہینڈ ہیلڈ ڈیوائسز کے نفاذ کی منصوبہ بندی مکمل کر لی گئی ہے ، اس سے قبل ایم ایم عالم روڈ، مال ون ،داتا دربار میں بھی یہ سسٹم انسٹال ہو چکا ہے۔