Live Updates

ریونیو اسٹریم سوکھ چکی، بجٹ روپوں میں اور اخراجات ڈالرز میں ہیں، حنا ربانی کھر

سفارتی مشنز کے کرائے کی عمارات سے ملکیتی عمارات کی طرف منتقلی جاری ہے، سیکرٹری کی قائمہ کمیٹی کو بریفنگ

منگل 15 اپریل 2025 20:15

ریونیو اسٹریم سوکھ چکی، بجٹ روپوں میں اور اخراجات ڈالرز میں ہیں، حنا ..

اسلام آباد (اُردو پوائنٹ اخبارتازہ ترین - این این آئی۔ 15 اپریل2025ء)سابق وزیر خارجہ اور قومی اسمبلی کی قائمہ کمیٹی کی سربراہ حنا ربانی کھر نے کہا ہے کہ ہماری ریونیو اسٹریم سوکھ چکی، بجٹ روپوں میں اور اخراجات ڈالرز میں ہیں۔پارلیمنٹ ہائوس اسلام آباد میں قومی اسمبلی قائمہ کمیٹی خارجہ امور کا اجلاس ہوا، جس کی صدارت حنا ربانی کھر کی، اجلاس کے شرکاء میں سیکرٹری خارجہ آمنہ بلوچ اور وزارت کے سینئر افسران شامل تھے۔

سیکرٹری خارجہ نے بریفنگ میں بتایا کہ اوورسیز پاکستانی کی ضروریات کے مطابق قونصلر سروسز کا جامع جائزہ لیا جارہا ہے۔آمنہ بلوچ نے کہا کہ وزارت خارجہ کی تصدیق شدہ دستاویزات دوبارہ تصدیق کے بغیر قابل استعمال ہیں، آن لائن پاور آف اٹارنی کی تصدیق کی سہولت مشنز کی دیرینہ ضرورت تھی۔

(جاری ہے)

انہوں نے کہا کہ ہر تصدیق شدہ دستاویز پر کیو آر کوڈ کی سہولت فراہم کر دی گئی ہے، جس کے ذریعے دستاویزات کی جانچ اب دنیا بھر میں آسان ہوگئی ہے۔

سیکرٹری خارجہ نے کہا کہ سفارتی مشنز کے کرائے کی عمارات سے ملکیتی عمارات کی طرف منتقلی جاری ہے۔ایڈیشنل سیکریٹری خارجہ نے شرکاء کو بتایا کہ اوورسیز پاکستانی اب سفارتخانوں میں محدود خدمات کے لیے رجوع کرتے ہیں۔انہوںنے کہاکہ امریکا نے جو ٹیرف لگایا ہے وہ ٹھوس معاشی اصولوں پر نہیں، یہ معاملات کو وزارت تجارت دیکھ رہی ہے۔ایڈیشنل سیکریٹری خارجہ نے مزید کہا کہ پہلے یوکیاور امریکا کے پاسپورٹ ہولڈرز پاکستانیوں کو بغیر ویزہ ایک سال تک سعودی عرب میں رہنے کی سہولت تھی۔ اب اس سہولت کو معطل کیا گیا ہیکیونکہ لوگ اوور اسٹے کرتے تھے۔حنا ربانی کھر نے اس موقع پر کہا کہ ہماری ریونیو اسٹریم سوکھ چکی ہے،بجٹ روپوں میں اور اخراجات ڈالرز میں ہیں۔