فوجی صلاحیتوں کا معاملہ ہماری ریڈ لائن ہے جس پر کبھی بات نہیں کریں گے،ایران

بدھ 16 اپریل 2025 09:50

تہران (اُردو پوائنٹ اخبارتازہ ترین - اے پی پی۔ 16 اپریل2025ء) ایران نے کہا ہے کہ فوجی صلاحیتوں کا معاملہ ریڈ لائن ہے جس پر کبھی بات نہیں کی جائے گی۔العربیہ کے مطابق یہ بات ایرانی پاسداران انقلاب (انقلابی گارڈز) کے ترجمان علی محمد نائینی نے گزشتہ روز جاری ایک بیان میں کہی۔

(جاری ہے)

انہوں نے کہا کہ قومی سلامتی اور دفاعی صلاحیتیں ہماری ریڈ لائن ہیں جن پر کبھی بات نہیں کریں گے۔ان کا یہ بیان امریکی ایلچی کے اس بیان کے بعد سامنے آیا ہے جس میں انہوں نے کہا تھا کہ ایرانی فریق کے ساتھ مذاکرات کے آئندہ دور کا موضوع پہلے افزودگی کے پروگرام کی تصدیق ہو گا اس کے بعد ہتھیاروں کے پروگرام کی تصدیق ہوگی۔