پولیس نے 104 اشتہاریوں سمیت درجنوں جرائم پیشہ افراد گرفتار کر کے بھاری مقدار میں منشیات اور غیرقانونی اسلحہ برآمد کر لیا

بدھ 16 اپریل 2025 18:52

جڑانوالہ (اُردو پوائنٹ اخبارتازہ ترین - آن لائن۔ 16 اپریل2025ء) پولیس نے 104 اشتہاریوں سمیت درجنوں جرائم پیشہ افراد گرفتار کر کے بھاری مقدار میں منشیات اور غیرقانونی اسلحہ برآمد کر لیا۔ ضلعی پولیس نے گزشتہ 7 دنوں میں اے کیٹگری 44 اور بی کیٹگری کے 60 اشتہاری جبکہ 99عدالتی مفروران کو گرفتار کیا۔ ترجمان نے بتایا جوا اور پرچی مافیاکے خلاف کارروائی کرتے ہوئے گزشتہ ہفتہ میں 30مقدمات کا اندراج کیا گیا اور76 ملزمان گرفتار کئے گئے۔

جواریوں کے قبضہ سے ایک لاکھ 24 ہزار روپے کی رقم برآمد کی گئی۔موقع سے تاش،پرچیاں،چٹھے اور دیگر جوا کا سامان پولیس تحویل میں لے لیا گیا۔ پولیس نے منشیات فروشوں کے خلاف کاروائیوں کے دوران 134مقدمات درج کر کے 134 ملزمان سے منشیات برآمد کی گئی۔

(جاری ہے)

ملزمان سے چرس 31 کلو گرام، آئس1کلو گرام، ہیرون11کلو گرام، لہن 80 لیٹراور شراب 2458لیٹر برآمد کرکے پولیس تحویل میں لی گئی۔

پولیس نے غیرقانونی اسلحہ رکھنے والوں کے خلا ف مقدمات درج کرکے 103 ملزمان گرفتار کئے گئے۔ ملزمان سے پسٹل85،رائفل 8، بندوق 2، کاربین 1، رپیٹر 7 اور متعدد گولیاں اور کارتوس برآمد کئے گئے۔ ترجمان نے بتایا کہ سٹی پولیس کی جانب سے جرائم پیشہ عناصر کی سرکوبی کیلئے کر یک ڈاؤن جاری ہے۔ قانون کی بالا دستی اور شہریوں کے جان و مال کے تحفظ کیلئے بھر پور ایکشن لیا جارہا ہے۔مؤثرگشت،ایلیٹ اور ڈولفن فورس کے آپریشنز کیلئے نئی حکمت عملی سمیت تھانہ،سرکل اور ٹاؤن کی سطح پر مانیٹرنگ اورکریمینلزکے قلع قمع کیلئے اقدامات کیے جارہے ہیں۔ ہر شہری کا تحفظ ہماری اولین ترجیح ہے۔