فلم ’’کافر‘‘میں ریپ سین کے بعد کپکپاہٹ کا شکار ہوگئی تھی، دیا مرزا

ایسے سین فلمانے کے لئے صرف اداکاری نہیں بلکہ مکمل طور پر اس کیفیت میں ڈوبنا پڑتا ہے

جمعرات 17 اپریل 2025 12:29

فلم ’’کافر‘‘میں ریپ سین کے بعد کپکپاہٹ کا شکار ہوگئی تھی، دیا مرزا

ممبئی(اُردو پوائنٹ اخبارتازہ ترین - این این آئی۔ 17 اپریل2025ء)بھارتی اداکارہ دیا مرزا نے حال ہی میں ریلیز ہونے والی اپنی فلم ’’کافر ‘‘کے ایک نہایت ناپسندیدہ سین سے متعلق سنسنی خیز انکشاف کیا ہے۔بالی ووڈ اداکارہ دیا مرزا نے بھارتی میڈیا کو دیئے گئے ایک انٹرویو میں بتایا کہ ویب سیریز میں ریپ سین نے انہیں اس قدر جذباتی اور جسمانی طور پر متاثر کیا کہ وہ کانپنے لگیں اور الٹی کر بیٹھی تھیں۔

دیا مرزا نے مزید بتایا کہ ایسے سین فلمانے کے لئے صرف اداکاری نہیں بلکہ مکمل طور پر اس کیفیت میں ڈوبنا پڑتا ہے جو کردار ادا کرنے والے پر حقیقی اثر چھوڑتا ہے، ایک فنکار کے لئے سب سے اہم چیز کردار سے ہمدردی ہے جو مجھے فلم میں اپنے کردار سے ہوگئی تھی۔واضح رہے کہ فلم کافِر دراصل 2019 میں پیش کی گئی ایک ویب سیریز ہے جو ایک پاکستانی خاتون شہناز پروین کی سچی کہانی پر مبنی ہے جو غلطی سے لائن آف کنٹرول عبور کرکے بھارت میں داخل ہوئی۔

(جاری ہے)

آزاد کشمیر کی خاتون پر بھارتی فوج نے عسکریت پسند ہونے کا الزام عائد کرکے 8 سال تک جیل میں قید رکھا تھا اور وہیں انہوں نے ایک بچی کو بھی جنم دیا تھا۔شہناز پروین کی سٹوری ایک بھارتی صحافی کو معلوم ہوئی جس نے بے گناہ خاتون کا معاملہ اٹھایا اور انصاف کے لیے طویل جدوجہد کی جس کے نتیجے میں رہائی نصیب ہوئی۔