امریکی ٹیرف میں اضافہ اب معاشی معنی نہیں رکھتا ، چین

جمعرات 17 اپریل 2025 14:42

بیجنگ (اُردو پوائنٹ اخبارتازہ ترین - این این آئی۔ 17 اپریل2025ء)چین نے کہا ہے کہ امریکی ٹیرف میں اضافہ اب معاشی معنی نہیں رکھتا ہے ۔چینی میڈیا کے مطابق چین کی وزارت خارجہ کے ترجمان نے جمعرات کو کہا کہ چین کی بعض مصنوعات پر امریکا کی طرف سے 245 فیصد ٹیرف اب معاشی معنی نہیں رکھتا۔

(جاری ہے)

ترجمان نے نشاندہی کی کہ چین نے یہ بات بالکل واضح کر دی ہے کہ چین پر امریکی ٹیرف میں اضافہ ایک نمبر گیم بن گیا ہے، جس سے معاشی طور پر اب کوئی زیادہ فرق نہیں پڑتا، سوائے اس کے کہ امریکا دوسروں کو مجبور کرنے اور دھونس دینے کے لئے ٹیرف کو ہتھیار بناتا ہے۔