سی آر پی ایف مقبوضہ کشمیرمیں نئی کوبرا بٹالین تعینات کرے گی

قائم کئے جانیوالے کوبرا یونٹ کوجموں ، وادی کشمیر کے جنگلی علاقوں میں تعینات کیا جائیگا،ڈائریکٹرل جنرل سی آرپی ایف

جمعہ 18 اپریل 2025 15:12

سرینگر(اُردو پوائنٹ اخبارتازہ ترین - این این آئی۔ 18 اپریل2025ء)غیرقانونی طورپر بھارت کے زیر قبضہ جموں وکشمیرمیں نہتے کشمیریوں پر اپنے وحشیانہ مظالم کاسلسلہ مزید تیز کرنے کیلئے بھارتی سینٹرل ریزرو پولیس فورس مقبوضہ علاقے میں ایک نئی کمانڈو بٹالین فار ریزولوٹ ایکشن (کوبرا)تعینات کرے گی۔

(جاری ہے)

کشمیر میڈیا سروس کے مطابق سی آر پی ایف کے ڈائریکٹر جنرل گیانیندر پرتاپ سنگھ نے مدھیہ پردیش کے شہر نیمچ میں فورس کی86ویں یوم تاسیس کے موقع پر کہاکہ وزیر داخلہ امیت شاہ کی ہدایت پر قائم کئے جانیوالے کوبرا یونٹ کوجموں اور وادی کشمیر دونوں کے جنگل کے علاقوں میں تعینات کیا جائے گا،2008-09میں اپنی تشکیل کے بعد سے یہ 11ویں کوبرا بٹالین ہو گی، 2023میں کئی کوبرا کمپنیوں نے وادی کشمیر میں تربیت حاصل کی تھی لیکن انہیں تعینات نہیں کیا گیاتھا۔

کوبرا کمانڈوز جنگل میں جنگ اور گوریلا حکمت عملی کی تربیت حاصل کرتے ہیں اور جدید ہتھیاروں، مواصلاتی اور نگرانی کے آلات سے لیس ہوتے ہیں۔