روس نے امریکی کمپنی پرقبضہ کرلیا، فوجی استعمال کی تیاری

گلیو پراڈکٹ ایک امریکی شہری کی ملکیت ہے اور اب اس پر روسی حکومت کا کنٹرول ہے، رپورٹ

جمعہ 18 اپریل 2025 15:14

ماسکو(اُردو پوائنٹ اخبارتازہ ترین - این این آئی۔ 18 اپریل2025ء)روس کی جانب سے ایک امریکی کمپنی قبضے میں لی گئی جو روسی فوج کو خوراک فراہم کرنے کے لیے استعمال کی جائے گی۔ اس عمل سے روس اور امریکہ کے تعلقات کو نقصان پہنچنے کا خدشہ ہے۔غیرملکی خبررساں ادارے کے مطابق امریکی وزیر خارجہ مارکو روبیو نے کہا ہے کہ اس کا علاج امریکہ اور روس کے تعلقات کو دوبارہ ترتیب دینے سے متعلق بات چیت کا حصہ ہوگا۔

(جاری ہے)

روس کی کمپنی کی نئی انتظامیہ کا کہنا تھا کہ فوجی اور نیشنل گارڈ کی فراہمی سمیت مستحکم پیداوار کو یقینی بنانے کے لیے کمپنی پر قبضے کی ضرورت تھی۔رپورٹ کے مطابق جو کہ ایک امریکی شہری کی ملکیت ہے، جس پر روس نے قبضہ کیا اور اب اس پر مکمل طور پر روسی حکومت کا کنٹرول ہے۔روس کی وزارتوں کی جانب سے کمپنی کے قبضے اور نئے انتظام کے بارے میں سوالات کا جواب نہیں دیا گیا۔

روسی استغاثہ نے سمرنوف اور اس کے زیر کنٹرول کمپنیوں پر 2022 سے 2024 تک روس سے تقریبا 1.38 بلین روبل ($17 ملین) منتقل کرنے کا الزام لگایا۔رپورٹ میں کہا گیا کہ ایک روسی عدالت نے پراسیکیوٹر جنرل کے دفتر کے حکم پر 12 مارچ کو کمپنی کے اثاثے ضبط کیے۔تاہم پراسیکیوٹر جنرل نے فوری طور پر اس حوالے سے تبصرہ پر جواب نہیں دیا۔