ریشم نے مریم نواز کیلئے جذباتی پیغام کیساتھ سیلفی شیئر کر دی

مریم نواز سے ملاقات کے بعد بھی ان کی شخصیت کی سحر میں جکڑا ہوا محسوس کر رہی ہوں، اداکارہ

جمعہ 18 اپریل 2025 23:13

ریشم نے مریم نواز کیلئے جذباتی پیغام کیساتھ سیلفی شیئر کر دی

لاہور (اُردو پوائنٹ اخبارتازہ ترین - این این آئی۔ 18 اپریل2025ء)سینئر اداکارہ ریشم نے وزیرِ اعلی پنجاب مریم نواز کی شخصیت کی تعریف کی ہے۔اداکارہ ریشم نے انسٹاگرام پر مریم نواز کے ہمراہ تصویریں شیئر کرتے ہوئے اعتراف کیا ہے کہ وزیر اعلی سے ملاقات کے بعد بھی ان کی شخصیت کی سحر میں جکڑا ہوا محسوس کر رہی ہوں۔انسٹا پر شیئر کی گئی یہ تصاویر ریشم نے گزشتہ روز کی تقریب کے دوران اپنے کیمرے میں قید کی تھیں۔

(جاری ہے)

اداکارہ نے وزیر اعلی پنجاب کے ساتھ سیلفی اور تصویریں شیئر کرتے ہوئے ان کیلئے جذباتی نوٹ بھی لکھا ہے۔ریشم نے پوسٹ کے کیپشن میں لکھا ہے کہ پنجاب کلچرل ڈے پر مریم نواز سے ملاقات وہ خوبصورت احساس ہے جو اب بھی میرے اوپر طاری ہے۔انہوں نے لکھا کہ شخصیت کا طلسم کیا ہوتا ہے، یہ مجھے ان (مریم نواز)سے ملنے کے بعد پتہ چلا، اپنائیت اور خلوص سے کی گئی یہ بات چیت میرے لئے بڑا اعزاز ہے۔ریشم نے مریم نواز شریف کی تعریف کرتے ہوئے کہا ہے کہ ایک عورت ہو کر مردوں پر سبقت لے جانے والی اس عورت کیلئے میرے دل سے صرف دعائیں ہی نکلتی ہیں، جیو مریم۔