سوڈان کے الفاشر میں سوڈانی فوج اور رپیڈ فورس میں جھڑپیں، 30 شہری ہلاک

پناہ گزین کیمپوں سے نقل مکانی کرنے والوں کی تعداد 7 لاکھ سے تجاوز کر گئی ،عرب ٹی وی

ہفتہ 19 اپریل 2025 13:50

خرطوم (اُردو پوائنٹ اخبارتازہ ترین - این این آئی۔ 19 اپریل2025ء)سوڈان کے مغربی شہر الفاشر میں سوڈانی فوج اور باغی رپیڈ فورس کے درمیان جھڑپیں ہوئی ہیں۔ عرب میڈیا کے مطابق سوڈانی فوج نے رپیڈ فورس پر مختلف مقامات پر گولہ باری کرنے کا الزام عائد کر دیا۔

(جاری ہے)

سوڈانی فوج کے مطابق الفاشر پر رپیڈ فورس کی گولہ باری سے مزید 30 شہری جاں بحق اور 40 زخمی ہوئے۔ پناہ گزین کیمپ پر رپیڈ فورس کے حملے کی وجہ سے 4 لاکھ 50 ہزار شہری نقل مکانی پر مجبور ہوئے۔ سوڈانی فوج کے مطابق پناہ گزین کیمپوں سے نقل مکانی کرنے والوں کی تعداد 7 لاکھ سے تجاوز کر گئی ہے۔