Live Updates

عمران خان کچھ شرائط پر ہر کسی سے بات چیت کیلئے تیار ہیںڈیل نہیں کرینگے ، شاندانہ گلزار

ہفتہ 19 اپریل 2025 16:19

پشاور (اُردو پوائنٹ اخبارتازہ ترین - این این آئی۔ 19 اپریل2025ء)پاکستان تحریکِ انصاف کی رکنِ قومی اسمبلی شاندانہ گلزار نے کہا ہے کہ بانی پی ٹی آئی عمران خان وطن کے لیے ہر بات کرنے کو تیار ہیں لیکن ڈیل نہیں کریں گے۔

(جاری ہے)

انہوں نے میڈیا سے گفتگو کے دوران کہا کہ بانی پی ٹی آئی نے کہا کہ ہر کسی سے بات چیت کے لیے تیار ہوں لیکن کچھ شرائط ہیں، قیدیوں کی رہائی، 9 مئی اور 26 نومبر واقعات کی انکوائری ہماری شرائط ہیں۔

شاندانہ گلزار نے کہا کہ وزیرِ اعلیٰ خیبر پختون خوا علی امین گنڈاپور نے اسد قیصر، شہرام ترکئی اور عاطف خان سے متعلق غلط بیانی کی، علی امین گنڈا پور نے اس بیان پر معذرت بھی کر لی، اتنا جذباتی کسی کو بھی نہیں ہونا چاہیے۔انہوں نے کہا کہ اس وقت پی ڈی ایم حکومت کی کوئی حیثیت نہیں۔شاندانہ گلزار نے کہا کہ جیل کے دروازے تب کھلتے ہیں جب کوئی جلسہ مؤخر کرنا ہوتا ہے۔