سوہانا خان کی1کروڑ ر40لاکھ روپے کی گھڑی نے سب کی توجہ سمیٹ لی

ہفتہ 19 اپریل 2025 19:45

ممبئی (اُردو پوائنٹ اخبارتازہ ترین - آن لائن۔ 19 اپریل2025ء) بالی ووڈ کے کنگ خان شاہ رخ کی بیٹی سوہانا خان کی 1.4 کروڑ روپے کی گھڑی نے کیسری چیپٹر 2 کی اسکریننگ پر سب کی توجہ سمیٹ لی۔بھارتی میڈیا رپورٹ کے مطابق سوہانا خان، جو 2023 میں زویا اختر کی فلم آرچیز سے اداکاری کی دنیا میں شامل ہوئیں، حال ہی میں اپنی قریبی دوست اننیا پانڈے کی فلم کیسری چیپٹر 2 کی اسکریننگ پر نظر آئیں۔

اس موقع پر انہوں نے نہایت مہنگی اور خوبصورت گھڑی پہن رکھی تھی جس نے سب کی توجہ اپنی جانب کرلی۔

(جاری ہے)

بتایا جارہا ہے کہ اس گھڑی کی قیمت تقریبا 1.4 کروڑ روپے ہے جو ایک لگژری کلاسک کلیکشن ہے۔یہ پہلا موقع نہیں تھا جب سوہانا نے یہ گھڑی پہنی ہو۔ اس سے قبل بھی وہ خوشی کپور اور ابراہیم علی خان کی فلم نادانیاں کے پریمیئر پر یہی گھڑی پہن کر آئیں تھیں۔ اس تقریب میں بھی انہوں نے سیاہ لباس کے ساتھ یہی کلاسک گھڑی پہنی تھی، جس نے ان کے فیشن سینس کو نمایاں کیا۔یاد رہے کہ سوہانا خان نہ صرف ایک ابھرتی ہوئی اداکارہ کے طور پر پہچانی جا رہی ہیں، بلکہ ان کا اسٹائل اور لگژری فیشن کا شوق بھی میڈیا اور فینز کی توجہ کا مرکز بنتا جا رہا ہے۔