راولپنڈی پولیس کی منشیات فروشوں کے خلاف کارروائیاں ، 5 ملزمان گرفتار

اتوار 20 اپریل 2025 15:10

راولپنڈی (اُردو پوائنٹ اخبارتازہ ترین - اے پی پی۔ 20 اپریل2025ء) سی پی او سید خالد ہمدانی کی خصوصی ہدایات پر راولپنڈی پولیس نے منشیات فروشوں کے خلاف کارروائیاں کرتے ہوئے 5 ملزمان کو گرفتار کر لیا جن کے قبضے سے 6 کلو سے زائد چرس برآمد کر لی گئی۔

(جاری ہے)

ترجمان کے مطابق کینٹ پولیس نے کارروائی کرتے ہوئے ملزم عاصم سے 2 کلو 200 گرام چرس، مندرہ پولیس نے ملزم شکیل احمد سے 1 کلو 830 گرام چرس، وارث خان پولیس نے ملزم سکندر سے 1 کلو 100 گرام چرس، نصیر آباد پولیس نے ملزم عمیر سے 530 گرام چرس جبکہ گوجر خان پولیس نے ملزم عدیل اشرف سے 520 گرام چرس برآمد کی۔

سی پی او سید خالد ہمدانی کا کہنا ہے کہ منشیات کے ناسور کے خاتمے کے لیے تمام تر وسائل بروئے کار لائے جا رہے ہیں اور گرفتار ملزمان کو ٹھوس شواہد کے ساتھ عدالت میں چالان کیا جائے گا۔ عوام کے تحفظ اور نوجوان نسل کو منشیات جیسے مکروہ دھندے سے بچانے کے لیے پولیس کی کارروائیاں جاری رہیں گی۔