باکو ،لاہور کے درمیان پی آئی اے کی براہ راست پروازوں کے آغاز سے شعبہ سیاحت کو فروغ دیا جا سکے گا‘ شہباز شریف

لاہور تا باکو براہ راست پروازوں کی طرز پر دیگر دوست ممالک کے ساتھ براہ راست پروازیں جلد شروع کی جائینگی‘ وزیر اعظم

اتوار 20 اپریل 2025 19:20

لاہور(اُردو پوائنٹ اخبارتازہ ترین - این این آئی۔ 20 اپریل2025ء)وزیراعظم محمد شہباز شریف نے پی آئی اے کی لاہور تا باکو براہ راست پروازوں کے آغاز پر اظہار مسرت کرتے ہوئے کہا ہے کہ باکو اور لاہور کے درمیان پی آئی اے کی براہ راست پروازوں کے آغاز سے شعبہ سیاحت کو فروغ دیا جا سکے گا۔

(جاری ہے)

اپنے بیان میں وزیر اعظم شہباز شریف نے کہا کہ لاہور تا باکو براہ راست پروازوں کی طرز پر دیگر دوست ممالک کے ساتھ پی آئی اے کی براہ راست پروازیں جلد شروع کی جائیں گی،یہ سفارتی سطح پر پاکستان کے لیے ایک بڑی کامیابی ہے۔ انہوںنے کہاکہ آذربائجان اس خطے میں پاکستان کے بہترین دوستوں میں سے ایک ہے، سیاحت سمیت دیگر شعبوں میں آذربائجان کے ساتھ اشتراک کے لیے کوشاں ہیں۔