کراچی والے تیاری کرلیں، ہیٹ ویو کے دوران راتیں بھی گرم رہیں گی،محکمہ موسمیات نے الرٹ جاری کردیا

اتوار 20 اپریل 2025 19:45

کراچی(اُردو پوائنٹ اخبارتازہ ترین - این این آئی۔ 20 اپریل2025ء)کراچی میں رہنے والے تیاری کرلیں، محکمہ موسمیات نے پیشگوئی کی ہے کہ ہیٹ ویو کے دوران کراچی میں راتیں بھی گرم رہیں گی۔

(جاری ہے)

تفصیلات کے مطابق محکمہ موسمیات نے بتایا کہ اتوارکو کراچی میں درجہ حرارت 40.4 ڈگری سینٹی گریڈ ریکارڈ کیا گیا جبکہ ہوا میں نمی کا تناسب دن بھر 15 فیصد رہا، آئندہ 3 روز تک شہر کا درجہ حرارت 41 ڈگری سینٹی گریڈ تک جاسکتا ہے۔

محکمہ موسمیات کے حکام نے کہاکہ کراچی میں آئندہ چند دنوں تک درجہ حرارت 39 سے 41 ڈگری سینٹی گریڈ تک جانے کا امکان ہے جس سے ہیٹ ویو جیسی صورتحال ہوسکتی ہے۔محکمہ موسمیات نے کہا کہ دن کے اوقات میں سمندری ہوائیں بند رہیں گی، اس کے علاوہ سندھ، پنجاب اور بلوچستان کے بیشتر علاقوں میں بھی شدید گرمی پڑنے کا امکان ہے۔