فلم’’ سوریہ ونشام‘‘ کو بھارتی سینما کی سب سے زیادہ دیکھی جانے والی فلم ہونے کا اعزاز

فلم کے ٹی وی ناظرین کے بارے میں اندازے مختلف ہیں ، یہ کم از کم 25 سے 30 کروڑ ہونا چاہیے بلکہ اس سے بھی زیادہ ہوسکتا ہے،ماہرین

پیر 21 اپریل 2025 11:21

ممبئی (اُردو پوائنٹ اخبارتازہ ترین - این این آئی۔ 21 اپریل2025ء)سن 1975 کی فلم شعلے کے بارے میں کہا جاتا ہے کہ یہ بھارتی سنیما کی تاریخ کی سب سے بڑی ہٹ فلم تھی۔ بھارت میں اس کے 20 کروڑ سے زیادہ ٹکٹ فروخت ہوئے جبکہ لاکھوں ٹکٹ بیرون ملک فروخت ہوئے جس کے باعث یہ سب سے زیادہ دیکھی جانے والی فلم بن گئی۔ ایک طویل عرصے تک یہی صورتحال برقرار رہی لیکن کیبل ٹی وی اور انٹرنیٹ کی آمد نے سنیما کا کھیل بدل دیا۔

اب فلم بینوں کی تعداد TRPS، اسٹریمنگ منٹس اور یوٹیوب کو دیکھنے سے لگایا جاتا ہے۔تاہم جنہوں نے اسٹریمنگ اور یوٹیوب دیکھا ہے، انہیں معلوم ہے کہ امیتابھ بچن کی شخصیت کے گرد گھومتی فلم’’ سوریہ ونشام‘‘ کو بھارتی سینما کی سب سے زیادہ دیکھی جانے والی فلم ہونے کا اعزاز دلا دیا ہے۔

(جاری ہے)

اس فلم کی ڈائریکشن ستیا نائرانا نے دی جبکہ اس میں امیتابھ بچن کے علاوہ سوندریا، جیا سودھا، رچنا بینرجی، انوپم کھیر اور قادر خان نے اداکاری کے جوہر دکھائے۔

سوریہ ونشام 1999 میں ریلیز ہوئی لیکن باکس آفس پر اسکی پرفارمنس مایوس کن رہی اور اس نے دنیا بھر میں صرف 12 کروڑ 65 لاکھ بھارتی روپے کا بزنس کیا۔اس کے بھارت میں 40 لاکھ سے بھی کم ٹکٹ فروخت ہوئے جو بہت ہی کم تعداد ہے، لیکن اس کے بعد گزشتہ 25 سالوں میں چینل پر اسے لاتعداد بار دیکھا گیا اور 2017 کے اواخر تک BARC ڈیٹا کے مطابق یہ فلم 44 لاکھ بار گھروں میں دیکھی گئی۔ فلم کے ٹی وی ناظرین کے بارے میں اندازے مختلف ہیں لیکن ماہرین کا کہنا ہے کہ یہ کم از کم 25 سے 30 کروڑ ہونا چاہیے بلکہ اس سے بھی زیادہ ہوسکتا ہے۔