پولیس لائنز سیالکوٹ میں جنرل پریڈ کا انعقاد ، ڈی ایس پی محمد خلیل ملک نے چاک و چوبند دستے سے سلامی لی

پیر 21 اپریل 2025 11:42

سیالکوٹ (اُردو پوائنٹ اخبارتازہ ترین - اے پی پی۔ 21 اپریل2025ء) پولیس لائنز سیالکوٹ میں جنرل پریڈ کا انعقاد کیا گیا جس کا مقصد اہلکاروں کے ڈسپلن اور ٹرن آؤٹ کو بہتر بنا نا تھا،ڈی ایس پی ہیڈ کوارٹر محمد خلیل ملک نے پریڈ اور جوانوں کے ٹرن آوٹ کا معائنہ کیا۔

(جاری ہے)

ترجمان کے مطابق پولیس ملازمین کے ڈسپلن اور ٹرن آؤٹ کو بہتر بنانے کے لئے ڈسٹرکٹ پولیس لائنز میں جنرل پریڈ منعقد کی گئی جس میں ضلع بھر سے پولیس افسران و اہلکاروں ،ایلیٹ فورس،ٹریفک پولیس اور لیڈیز اہلکاروں نے شرکت کی۔

ڈی ایس پی محمد خلیل ملک نے پولیس کے چاک و چوبند دستے سے سلامی لی، پریڈ کا معائنہ اور جوانوں کا ٹرن آئوٹ چیک کیا۔ انہوں نے کہا کہ پریڈ پولیس فورس کے جوانوں کو جسمانی و ذہنی طور پرمضبوط رکھتی ہے،جنرل پریڈ کا مقصد پولیس اہلکاروں کی فزیکل فٹنس اور ڈسپلن میں بہتری لانا ہے۔