مخصوص فریم ورک کے اندر امریکہ کے ساتھ معاہدے تک پہنچنے کو تیار ہیں،ایران

ہم یہاں لڑنے کے لیے نہیں ہیں لیکن ہم دبائو یا دھمکیوں کو بھی قبول نہیں کریں گے،صدرپیزشکیان

منگل 22 اپریل 2025 13:44

مخصوص فریم ورک کے اندر امریکہ کے ساتھ معاہدے تک پہنچنے کو تیار ہیں،ایران

تہران (اُردو پوائنٹ اخبارتازہ ترین - این این آئی۔ 22 اپریل2025ء) ایرانی صدرمسعود پیزشکیان نے اس بات کی تصدیق کی ہے کہ ان کا ملک مخصوص فریم ورک کے اندر ایک معاہدے تک پہنچنے کے لیے تیار ہے۔

(جاری ہے)

غیرملکی خبررساں ادارے کیھ مطابق وزارت داخلہ میں گورنرز سے ملاقات کے دوران انہوں نے کہا کہ امریکہ کے ساتھ مذاکرات میں ہم قومی مفادات کا تحفظ کرتے ہوئے مخصوص فریم ورک کے اندر کسی معاہدے تک پہنچنے کے لیے تیار ہیں لیکن اگر وہ ہم سے برابری کی پوزیشن سے مذاکرات نہیں کرنا چاہتے تو ہم اپنے راستے پر چلتے رہیں گے۔

انہوں نے مزید کہا کہ جیسا کہ ایرانی سپریم لیڈر علی خامنہ ای نے کہا ہے ہم نہ تو پرامید ہیں اور نہ ہی مایوسی کا شکار ہیں۔ انہوں نے زور دے کر یہ بھی کہا کہ ہم یہاں لڑنے کے لیے نہیں ہیں لیکن ہم دبا یا دھمکیوں کو بھی قبول نہیں کریں گے۔