عدالتوں میں جعلی مقدمات کی روک تھام کے لیے نیا نظام نافذ، بائیو میٹرک تصدیق اور تصویر کے بغیر کیس دائر نہیں کیا جا سکے گا

منگل 22 اپریل 2025 14:07

لاہور (اُردو پوائنٹ اخبارتازہ ترین - اے پی پی۔ 22 اپریل2025ء) چیف جسٹس لاہور ہائیکورٹ جسٹس عالیہ نیلم نے پنجاب کی ماتحت عدالتوں میں جعلی اور غیر ضروری مقدمات کی روک تھام کے لئے تاریخی منصوبے کا آغاز کر دیا۔

(جاری ہے)

نئے ایس او پیز کے مطابق، مدعی یا درخواست گزار کی بائیو میٹرک تصدیق اور تصویر کے بغیر کوئی بھی کیس دائر نہیں کیا جا سکے گا۔ اس منصوبے کے تحت مدعی کو خود عدالت آ کر سپیشل کاونٹر پر بائیو میٹرک اور تصویر کی تصدیق کروانی ہوگی۔ وائس چیئرمین پنجاب بار کونسل عرفان صادق تارڑ نے چیف جسٹس لاہور ہائیکورٹ کے اس فیصلے کو خوش آئند قرار دیا ہے۔