پاکستان سمیت دنیا بھر میں عالمی یوم الارض منگل کومنایاگیا

منگل 22 اپریل 2025 15:25

اسلام آباد (اُردو پوائنٹ اخبارتازہ ترین - اے پی پی۔ 22 اپریل2025ء) پاکستان سمیت دنیا بھر میں عالمی یوم الارض منگل 22 اپریل کومنایاگیا۔ کرہ ارض کی حفاظت ہم سب کی مشترکہ ذمہ داری ہے اور اس ذمہ داری کے تحت ہر سال دنیا بھر میں 22 اپریل کو "ورلڈ ارتھ ڈے”منایا جاتا ہے تاکہ زمین کو درپیش ماحولیاتی خطرات کے حوالے سے آگاہی پیدا کی جا سکے۔ رواں سال یومِ ارض کا موضوع "ہماری طاقت ، ہمارا سیارہ"منتخب کیاگیا ہے۔

(جاری ہے)

دنیا بھر میں انسانوں نے اپنی ضروری اور غیر ضروری سرگرمیوں سے زمین کے قدرتی نظام پر گہرے منفی اثرات مرتب کئے ہیں جن کا خمیازہ آج ہم سب زلزلوں، سمندری طوفانوں، خشک سالی ، جنگلات کی آگ اور قحط وغیرہ جیسی قدرتی آفات کی صورت میں بھگت رہے ہیں اور اگر مناسب اقدامات نا اٹھائے گئے تو مستقبل میں قدرتی آفات کی شرح میں خطر ناک حد تک اضافے کا خدشہ ہے۔ورلڈ ارتھ ڈےکے موقع پر ملک بھرمیں سرکاری اور نجی تنظیموں کے زیر اہتمام مختلف پروگرامز اور تقریبات کا انعقاد کیا گیاتاکہ عام آدمی کو کرہ ارض کو درپیش مسائل کے حوالہ سے آگاہی فراہم کی جا سکے۔