فیسکو نے ماہ اپریل میں فیصل آباداورسرگودھاڈویژنز کے آٹھ اضلاع کے 65دیہات روشن کئے ،انجینئرمحمد عامر

منگل 22 اپریل 2025 15:28

فیصل آباد (اُردو پوائنٹ اخبارتازہ ترین - اے پی پی۔ 22 اپریل2025ء) فیصل آباد الیکٹرک سپلائی کمپنی کے شعبہ کنسٹرکشن کی طر ف سے ماہ اپریل میں ریجن بھر میں 349.946ملین سے زائد کی لاگت سے مختلف ترقیاتی منصوبوں کو پایہ تکمیل تک پہنچا یا گیااور ماہ اپریل میں 114.493ملین سے زائد کی لاگت سے65دیہات میں بجلی کی فراہمی عمل میں لائی گئی جبکہ145.518ملین کی لاگت سے7ایچ ٹی اور89.935ملین کی لاگت سے62ایل ٹی پرپوزلز مکمل کی گئیں۔

چیف ایگزیکٹو فیسکو انجینئر محمد عامر نے بتایا کہ فیسکو کنسٹرکشن ڈائریکٹوریٹ نے ماہ اپریل میں فیصل آباداورسرگودھاڈویژنز کے آٹھ اضلاع فیصل آباد، جھنگ، ٹوبہ ٹیک سنگھ، چنیوٹ، میانوالی، سرگودھا، بھکر اور خوشاب میں 65نئے دیہات روشن کرنے کے علاوہ62ایل ٹی پروپوزلز اور7فیڈروں کی تکمیل کرلی ہے جن پر349.946 ملین روپے لاگت آئی ہے۔

(جاری ہے)

انہوں نے بتایا کہ پی ڈی کنسٹرکشن احمد علی شاہ کی زیر نگرانی32.928 ملین کی لاگت سے فیصل آباد میں 23ایل ٹی پروپوزلز،12.854ملین کی لاگت سے جھنگ میں 10،27.016 ملین کی لاگت سے سرگودھا میں 17 جبکہ17.137ملین کی لاگت سے میانوالی میں 12ایل ٹی پروپوزلز کو مکمل کیا۔

اسی طرح23.208ملین کی لاگت سے فیصل آباد میں 15 نئے دیہات،38.567 ملین کی لاگت سے جھنگ میں 21،20.242ملین روپے کی لاگت سے سرگودھا میں 15جبکہ میانوالی میں 32.476ملین روپے کی لاگت سے14نئے دیہات کو روشن کیا گیا۔اسی طرح107.864ملین روپے کی لاگت سے جھنگ میں 6 ایچ ٹی پروپوزلزجبکہ 37.654 ملین روپے کی لاگت سے سرگودھا میں 1ایچ ٹی پروپوزل مکمل کی گئی۔ چیف ایگزیکٹوفیسکو انجینئرمحمد عامر نے شعبہ کنسٹرکشن کو ہدایت کی کہ وہ مزید جاری سکیموں کو بھی اسی جذبہ سے پایہ تکمیل تک پہنچائیں تاکہ ریجن بھر کے صارفین کو زیادہ سے زیادہ ریلیف ملے۔انہوں نے کہا کہ برقی ترقیاتی منصوبوں کو بروقت مکمل کرنے سے فیسکو کے ڈسٹری بیوشن میں بہتری آئے گی۔