ساگائینگ فالٹ کے قریب 20فٹ تک زمین کھسک گئی ہے، میانمار زلزلے کے انکشاف

منگل 22 اپریل 2025 17:51

ینگون (اُردو پوائنٹ اخبارتازہ ترین - این این آئی۔ 22 اپریل2025ء)میانمار کے تباہ کن زلزلے میں تین ہزار سے زائد انسان موت کی نیند سو گئے تھے اب ناسا سائنسدانوں نے اس سے متعلق خوفناک انکشاف کیا ہے۔غیر ملکی میڈیا کے مطابق ناسا سائنسدانوں نے دعوی کیا ہے کہ اس زلزلے کے نتیجے میں ساگائینگ فالٹ کے پاس تقریبا 20 فٹ (تقریبا 6 میٹر) تک زمین کھسک گئی ہے۔

یہ ہندوستانی اور یوریشین پلیٹوں کے درمیان کا ایک اہم فالٹ زون ہے۔

(جاری ہے)

یورپین اسپیس ایجنسی سنٹینیل-1اے اور سنٹینیل 2بی/سی سیٹلائٹ، ناسا کی جیٹ پروپلشن لیباریٹری اور کلوٹیک سسمولوجیکل لیباریٹری نے حال ہی میں میانمار میں آنے والے زلزلے کا جائزہ لیا تو پتہ چلا کہ اس زلزلے میں زمین کھسکنے کا اب تک دنیا کی تاریخ کا سب سے بڑا اسٹرائیک سلپ ہے۔

سائنسدانوں کی ایڈوانس ریپڈ امیجنگ اور اینالیسس ٹیم نے پہلے اور بعد کی تصویروں کا موازنہ کیا تو اس میں پتہ چلا کہ زلزلے کے نتیجے میں کچھ جگہوں پر تین میٹر تک (9 فٹ) اور کئی مقامات پر زمین کے کھسکنے کا عمل 20 فٹ (6 میٹر) تک رہا۔میانمار میں رواں برس کئی بار زلزلے کے جھٹکے لگ چکے ہیں۔ اپریل میں بھی کئی بار زلزلہ آیا ہے۔ 13 اپریل کو انے والے زلزلے کی شدت 5.5 ریکارڈ کی گئی تاہم اس میں کوئی بڑا نقصان رپورٹ نہیں ہوا۔