مراد علی شاہ کو سندھ سے زیادہ پنجاب کے کسانوں کی فکر ہے‘ عظمیٰ بخاری

کیا سندھ حکومت نے گندم کی قیمت مقرر کر دی ہی کیا سندھ حکومت نے کسانوں سے گندم خرید لی ہی صوبائی وزیر

منگل 22 اپریل 2025 22:38

مراد علی شاہ کو سندھ سے زیادہ پنجاب کے کسانوں کی فکر ہے‘ عظمیٰ بخاری

لاہور(اُردو پوائنٹ اخبارتازہ ترین - آن لائن۔ 22 اپریل2025ء)وزیرِ اطلاعات پنجاب عظمیٰ بخاری کا کہنا ہے کہ مراد علی شاہ کو سندھ کے کسانوں سے زیادہ پنجاب کے کسانوں کی فکر ہے۔مراد علی شاہ کی پریس کانفرنس پر ردعمل دیتے ہوئے عظمیٰ بخاری نے کہا کہ پنجاب کے کسانوں کی فکر کرنے کے لیے پنجاب کے وارث موجود ہیں۔

(جاری ہے)

انہوں نے کہا کہ کیا سندھ میں کاشت کار نہیں ہیں کیا سندھ حکومت نے گندم کی قیمت مقرر کر دی ہی کیا سندھ حکومت نے کسانوں سے گندم خرید لی ہی صوبائی وزیر کا کہنا ہے کہ مراد علی شاہ اور ان کی جماعت 16 سال سے حکمراں ہے، اپنی کارکردگی بتائیں، مریم نواز نے 1 سال میں پنجاب کے کسانوں کو 110 ارب روپے کے تاریخی پیکیج دیے ہیں۔

عظمیٰ بخاری نے کہا کہ پنجاب میں اس سال گندم کی ریکارڈ پیداوار ہوئی ہے، آئندہ سال اس سے بھی زیادہ گندم کی پیداوار ہو گی، پنجاب کی ترقی اور خوش حالی 2 صوبوں کی حکومتوں کے اعصاب پر سوار ہو چکی ہے۔ان کا یہ بھی کہنا ہے کہ مراد علی شاہ پنجاب سے ملانے والی سندھ کی مرکزی شاہراہ کو بند کرنے والے مظاہرین کی حمایت کر رہے ہیں،ان کو علی امین گنڈاپور سے مختلف نظر آنا چاہیے۔