اسلام آباد میں روانڈا کے ہائی کمیشن کا افتتاح کر دیاگیا

ہائی کمیشن کا قیام ہمارے سفارتی و اقتصادی روابط کو مضبوط بنانے کے عزم کا مظہر ہے،وزیرخارجہ روانڈا

منگل 22 اپریل 2025 22:05

اسلام آباد(اُردو پوائنٹ اخبارتازہ ترین - این این آئی۔ 22 اپریل2025ء)وفاقی وزیر بحری امور جنید انوار چوہدری اور روانڈا کے وزیر خارجہ اولیور جے پی ندہونگیریہی نے اسلام آباد میں روانڈا کے ہائی کمیشن کا افتتاح کردیا۔تفصیلات کے مطابق وفاقی وزیر بحری امور جنید انوار چوہدری اور روانڈا کے وزیر خارجہ اولیور جے پی ندہونگیریہی نے منگل کو اسلام آباد میں روانڈا کے ہائی کمیشن کا افتتاح کیا۔

اس موقع پر دوسرے افریقی ممالک کے سفارتکا بھی موجود تھے۔

(جاری ہے)

وفاقی وزیر جنید انوار چوہدری نے کہا کہ ہائی کمیشن کے قیام سے دو طرفہ روابط مزید مضبوط ہوں گے، روانڈا اور پاکستان کے درمیان سفارتی تعاون کا نیا باب شروع ہوا ہے۔ روانڈا کے وزیر خارجہ نے کہا کہ ہائی کمیشن کا قیام ہمارے سفارتی و اقتصادی روابط کو مضبوط بنانے کے عزم کا مظہر ہے، روانڈا اور پاکستان دونوں پائیدار ترقی، باہمی احترام اور خود انحصاری جیسے اصولوں میں یقین رکھتے ہیں۔ انہوں نے کہا کہ ہم پاکستان کے ساتھ تجارت، سرمایہ کاری اور جدت طرازی کے شعبوں میں شراکت داری کے منتظر ہیں ۔