Live Updates

زلمی کے علی رضا اور سلطان کے عبید شاہ میں سے کون بہتر بولر

میں نے عبید شاہ کو بھی دیکھا ہے مگر مجھے سب سے زیادہ متاثر کن علی رضا لگا،باسط علی

جمعرات 24 اپریل 2025 12:00

کراچی (اُردو پوائنٹ اخبارتازہ ترین - این این آئی۔ 24 اپریل2025ء)پاکستان سپر لیگ میں پشاور زلمی کے علی رضا اور ملتان سلطانز کے عبید شاہ میں سے کون بہتر بولر ہے کرکٹ ایکسپرٹس نے بتادیا۔سابق پاکستانی کرکٹر اور موجودہ تجزیہ کار باسط علی کا ایک ٹی وی پروگرام میں کہنا تھا کہ مجھے علی رضا زیادہ بہتر لگا۔باسط علی نے کہا کہ میں نے عبید شاہ کو بھی دیکھا ہے مگر مجھے سب سے زیادہ متاثر کن علی رضا لگا، ابھی میں عبید کو اس لائن میں نہیں دیکھ رہا۔

(جاری ہے)

سینئر اسپورٹس صحافی شاہد ہاشمی نے کہا کہ اس کی باڈی اچھی ہے اور پیس بھی زیادہ ہے، کل اس نے جارحانہ سلیبریشن کی مکہ ایسا گھمایا جو عثمان خان کو لگ گیا۔تاہم باسط علی ان کی بات سے متفق نظر نہیں آئے اور شاہد ہاشمی سے اختلاف کرتے ہوئے کہا کہ علی رضا کی پیس زیادہ ہے۔اس موقع پر سابق وکٹ کیپر بیٹر کامران اکمل نے کہا کہ علی رضا کی پیس تھوڑی سی اوپر ہے، دونوں اچھے بولر ہیں کام کررہے ہیں اور محنتی بھی ہیں جبکہ دونوں ڈومیسٹک بھی کھیل رہے ہیں۔