Live Updates

پی ایس ایل: شاداب خان نے 100 وکٹیں مکمل کرنے کا سنگ میل عبور کر لیا

آل راؤنڈر نے محمد رضوان کی وکٹ لیکر پی ایس ایل میں اپنی وکٹوں کی سنچری مکمل کی

ذیشان مہتاب جمعرات 24 اپریل 2025 13:48

پی ایس ایل: شاداب خان نے 100 وکٹیں مکمل کرنے کا سنگ میل عبور کر لیا

لاہور (اردو پوائنٹ تازہ ترین اخبار ۔ 24 اپریل 2025ء ) پاکستان سپر لیگ (پی ایس ایل) کے 13ویں میچ میں اسلام آباد یونائیٹڈ کے کپتان شاداب خان نے اہم سنگ میل عبور کرلیا۔

گزشتہ روز ملتان میں کھیلے گئے میچ میں ہوم ٹیم سلطانز نے مقررہ 20 اوورز میں 5 وکٹوں کے نقصان پر 168 رنز بنائے، سلطانز کی جانب سے عثمان خان نے 61 رنز کی اننگز کھیلی۔

اسلام آباد یونائیٹڈ نے ہدف محض 17.1 اوور میں 3 وکٹوں کے نقصان پر حاصل کرلیا اور یوں مسلسل پانچویں فتح حاصل کی۔

ٹیم کے کپتان شاداب خان نے بھی میچ کے دوران پاکستان سپر لیگ (پی ایس ایل) میں 100 وکٹیں لینے کا سنگ میل عبور کیا، انہوں نے یہ کارنامہ 89ویں اننگز میں انجام دیا۔

آل راؤنڈر نے محمد رضوان کی وکٹ لیکر پی ایس ایل میں اپنی وکٹوں کی سنچری مکمل کی تھی۔

(جاری ہے)

پی ایس ایل کی تاریخ میں سب سے زیادہ وکٹیں لینے والے کھلاڑی:

حسن علی – 118 وکٹیں (86 اننگز)

وہاب ریاض – 113 وکٹیں (87 اننگز)

شاہین آفریدی – 109 وکٹیں (75 اننگز)

شاداب خان – 100 وکٹیں (89 اننگز)

فہیم اشرف – 79 وکٹیں (73 اننگز)

شاداب خان 2017ء سے اسلام آباد یونائیٹڈ کی ٹیم کا حصہ ہیں، انہوں نے 2018ء اور 2024ء میں ٹیم کو ٹائٹل جتوانے میں اہم کردار ادا کیا تھا، آل راؤنڈر 100+ وکٹیں اور 1,000+ رنز کا سنگ میل عبور کرنے والے چند کھلاڑیوں میں شامل ہیں۔

واضح رہے کہ پی ایس ایل کے رواں ایڈیشن میں پوائنٹس ٹیبل پر پہلے نمبر پر موجود اسلام آباد یونائیٹڈ کی ٹیم ابتک ناقابل شکست ہے، انہوں نے 5 میچز کھیلے اور تمام میں فتوحات سمیٹیں۔