Live Updates

پہلگام واقعہ، بھارت میں کشمیری طلباء ، تاجروں پر ہندو تواغنڈوں کے حملوں میں تیزی

جمعرات 24 اپریل 2025 17:35

نئی دہلی (اُردو پوائنٹ اخبارتازہ ترین - این این آئی۔ 24 اپریل2025ء)بھارت کے غیر قانونی زیر قبضہ جموں و کشمیر کے معروف سیاحتی مقام پہلگام میں پیش آنے والے حالیہ واقعے کے بعد بھارتی ریاستوں میں زیر تعلیم کشمیری نوجوانوں اور تاجروں پر ہندو توا غنڈوں کے حملوںمیں تیزی ا ٓئی ہے۔کشمیری طلباء ، تاجروں کو بڑے پیمانے پر ہراساں کیا جا رہا ہے ، انہیں دھمکیاں دی جا رہی ہیں اور واپس جانے کی ہدایت کی جا رہی ہے۔

کشمیر میڈیا سروس کے مطابق دہلی ،اتراکھنڈ، اتر پردیش اور ہماچل پردیش ،پنجاب ، ہریانہ ، گجرات ، مہاراشتر سمیت مختلف بھارتی ریاستوں میں کشمیری طلباء اور تاجروں کو سخت ہراساں کیا جا رہا ہے۔طلباء اور تاجروں کے اہلخانہ کا کہنا کہ بی جے پی، آر ایس ایس، بجرنگ دل وغیرہ کی طرف سے ہمارے پیاروں کو سخت ہراساں کیا جا رہا ہے ۔

(جاری ہے)

سرینگر لالچوک میں ایک کشمیری نے ذرائع ابلاغ کے نمائندوں سے بات چیت کے دوران حکام سے درخواست کی ہے کہ وہ ان کی حفاظت اور تحفظ کو یقینی بنائیں۔

کشمیر سول سوسائٹی نے بھی کشمیری طلبااور تاجروںپرحملوں میں تیزی پر تشویش کا اظہار کرتے ہوئے عالمی برادری پر زور دیا ہے کہ وہ مقبوضہ کشمیر اور خطے کی صورتحال کا نوٹس لے اور تنازعہ کشمیر کو اقوام متحدہ کی قراردادوں کے مطابق حل کرانے کیلئے کردار ادا کرے۔جموںوکشمیر سٹوڈنٹس ایسوسی کے کنوینر ناصر کھوہامی نے بھی ایک بیان میں طلباء پر ہونیو الے حملوں پر شدید تشویش کا اظہار کرتے ہوئے کہا کہ ہندو توا غنڈے ہماچل پردیش کی ایک یونیورسٹی کے ایک ہوسٹل کا دروزاہ توڑ کر اندر داخل ہوئے اور کشمیری طلباء پر تشدد کیا۔

انہوںنے کہا کہ کشمیری طلباء کو چن چن کر نشانہ بنایا جارہا ہے۔اتراکھنڈ کے دارالحکومت دہرادون میں تقریباً 20 کشمیری طلباء دھمکیوں کے بعد وہاں سے بھاگنے پر مجبور ہوئے ہیں۔