شمالی غزہ کے رہائشی کسی بھی متوقع حملے سے قبل علا قہ خالی کردیں،اسرائیل

جمعہ 25 اپریل 2025 10:20

رام اللہ ، تل ابیب (اُردو پوائنٹ اخبارتازہ ترین - اے پی پی۔ 25 اپریل2025ء) اسرائیل نے کہا ہے کہ شمالی غزہ کے رہائشی کسی بھی متوقع حملے سے قبل علا قہ خالی کردیں۔

(جاری ہے)

العربیہ نے اسرائیلی فوج کے جاری بیان کے حوالے سے بتایا کہ شمالی غزہ کے تمام رہائشیوں بالخصوص بیت حانون اور شیخ زید کی آبادیوں کے مکینوں سے کہا گیا ہے کہ وہ کسی بھی متوقع حملے سے قبل علاقے سے نکل جائیں۔ بیان کے مطابق اسرائیلی فوج کا کہنا ہے کہ وہ اپنے خلاف استعمال ہونے والے علاقوں پر زبردست حملہ کرے گی ۔واضح رہے اسرائیل نے جنگ بندی معاہدے کی خلاف ورزی کرتے ہوئے 18 مارچ کو غزہ پر فوجی حملہ دوبارہ شروع کردیا تھا جس سے اب تک مزید 1928 افراد شہید ہو چکے ہیں۔