کویت میں کرپٹو کرنسی کی غیر قانونی مائننگ کا انکشاف

100 گھروں کی نشاندہی کی گئی ہے جو کرپٹو کرنسی مائننگ کی سرگرمیوں میں ملوث ہیں،حکام

جمعہ 25 اپریل 2025 11:40

کویت سٹی(اُردو پوائنٹ اخبارتازہ ترین - این این آئی۔ 25 اپریل2025ء)کویت میں کرپٹو کرنسی کی غیر قانونی مائننگ کا انکشاف ہوا ہے ۔ کویتی اخبار کے مطابق کویتی وزارت بجلی و پانی کی ترجمان انجینئر فاطمہ جوہر حیات نے کہا ہے کہ الوفرہ علاقے میں ایک سو ایسے گھروں کی نشاندہی کی گئی ہے جو کرپٹو کرنسی مائننگ کی سرگرمیوں میں ملوث ہیں۔ترجمان انجینئر فاطمہ جوہر حیات نے کہا ہے کہ الوفرہ علاقے میں ایک سو ایسے گھروں کی نشاندہی کی گئی ہے جو کرپٹو کرنسی مائننگ کی سرگرمیوں میں ملوث ہیں۔

کویتی اخبار الرای کے مطابق ترجمان نے کہا ہے کہ وزارت نے برقی نظام کی کارکردگی اور پائیداری کو یقینی بنانے کے لیے کی جانے والی کوششوں کے تحت گزشتہ دو ہفتوں کے دوران کئی علاقوں میں بجلی کے استعمال میں غیر معمولی اضافہ ریکارڈ کیاہے۔

(جاری ہے)

انہوں نے کہا ہے کہ وزارت نے الوفرہ علاقے میں وسیع مہم شروع کی ہے جس کے دوران اب تک ایک سو گھروں کی نشاندہی ہوئی ہے جن کا بجلی کا استعمال انتہائی زیادہ اور روایتی گھریلو استعمال سے مختلف پایا گیا ہے۔

اس بات کی علامت ہے کہ وہاں بجلی کو غیر مجاز سرگرمیوں، خاص طور پر کرپٹو کرنسی مائننگ میں استعمال کیا جا رہا ہے۔انہوں نے مزید کہاہے کہفنی تجزیے سے پتا چلا ہے کہ ان گھروں پر بجلی کے استعمال کا انداز دن اور رات کے اوقات یا موسموں کے حساب سے عام گھریلو استعمال کی طرح مختلف نہیں ہوتا بلکہ یہ مسلسل بلند سطح پر رہتا ہے۔ اعداد و شمار سے یہ بات واضح ہوئی ہے کہ مارچ 2025 کے دوران بعض گھروں نے ایک لاکھ کلو واٹ سے زائد بجلی استعمال کی ہے جو آس پاس کے گھروں کے مقابلے میں 20 گنا زیادہ ہیترجمان نے کہا ہے کہ وزارت شہریوں اور مقیم افراد سے اپیل کرتی ہے کہ وہ بجلی کا درست استعمال کریں اور وزارت کی ٹیموں سے تعاون کریں۔

وزارت اس بات پر زور دیتی ہے کہ وہ غیر مجاز سرگرمیوں کے ذریعے بجلی کے بے جا استعمال میں ملوث کسی بھی فرد یا ادارے کے خلاف قانونی کارروائی کرنے میں کوئی نرمی نہیں برتے گی۔