ضلع بھر میں منشیات سپلائرز کے خلاف کریک ڈاؤن،آٹھ ملزمان گرفتار،ہیروئن و چرس برآمد

جمعہ 25 اپریل 2025 19:50

راولپنڈی (اُردو پوائنٹ اخبارتازہ ترین - اے پی پی۔ 25 اپریل2025ء) سی پی او سید خالد ہمدانی کی ہدایت پر راولپنڈی پولیس نے منشیات سپلائرز کے خلاف کریک ڈاؤن کرتے ہوئے خاتون سمیت 8 ملزمان گرفتار کرکے ہیروئن اور چرس برآمد کرلی۔ پولیس ترجمان کے مطابق کینٹ پولیس نے ملزمہ فرح بلال سے 1 کلو 900 گرام ہیروئن برآمد کی،ملزمہ نے تعلیمی اداروں سمیت مختلف اضلاع میں منشیات سپلائی کرنے کا انکشاف کیا۔

(جاری ہے)

صدر بیرونی پولیس نے ملزم عیسیٰ سے 1 کلو 680 گرام چرس ،ٹیکسلا پولیس نے ملزم بشیر سے1 کلو 400 گرام چرس ، گوجر خان پولیس نے 2 ملزمان انور حیات اور اسحاق سے 1 کلو 40 گرام چرس ، آراے بازار پولیس نے ملز م غالب سے 800 گرام چرس، وارث خان پولیس نے ملزم عدنان سے 640 گرام چرس، واہ کینٹ پولیس نے ملزم شمس سے 542 گرام چرس برآمد کی۔ ملزمان کو ٹھوس شواہد کے ساتھ چالان عدالت کیا جائے گا۔ سی پی او سید خالدہمدانی کا کہنا تھاکہ منشیات کے ناسور کے خاتمے کے لئے تمام اقدامات کئے جا رہے ہیں۔