Live Updates

وفاقی وزیر صحت سے ہواوے کے وفد کی ملاقات، ڈیجیٹل پرائمری ہیلتھ کیئر کی بہتری اور سمارٹ ہیلتھ کیئر منصوبے پر تبادلہ خیال

ہفتہ 26 اپریل 2025 11:10

اسلام آباد (اُردو پوائنٹ اخبارتازہ ترین - اے پی پی۔ 26 اپریل2025ء) وفاقی وزیر صحت مصطفیٰ کمال سے ہواوے کے وفد کی ملاقات کے دوران ڈیجیٹل پرائمری ہیلتھ کیئر کی بہتری اور سمارٹ ہیلتھ کیئر منصوبے پر تفصیلی تبادلہ خیال کیا گیا۔

(جاری ہے)

ترجمان وزارت صحت کی جانب سے جاری اعلامیہ کے مطابق ملاقات کے دوران پاکستان کے دیہی علاقوں اور بنیادی مراکز صحت میں معیاری علاج کی سہولیات کو بہتر بنانے پر تفصیلی تبادلہ خیال کیا گیا۔

وفاقی وزیر صحت مصطفیٰ کمال نے کہا کہ جدید ٹیکنالوجی سے صحت کے شعبے میں انقلابی تبدیلیاں لائی جا رہی ہیں۔انہوں نے مزید بتایا کہ ٹیلی میڈیسن نظام کے فروغ پر تیزی سے کام جاری ہے، جس کے ذریعے جلد عوام کو ان کی دہلیز پر ڈاکٹروں اور دوا کی سہولت میسر آ سکے گی۔ وفاقی وزیر نے کہا کہ ہسپتالوں پر مریضوں کے بوجھ کو کم کرنے کے لیے ہر ممکن اقدامات کیے جا رہے ہیں۔