Live Updates

کفرٹوٹا‘بابر اعظم پی ایس ایل میں 400 چوکے لگانے والے پہلے بیٹر

ایک ہی میچ میں کئی ریکارڈز بھی توڑ ڈالی!نصف سنچری اسکور کر کے اپنی ٹیم کو دوسری فتح دلانے میں اہم کردار ادا کیا

ہفتہ 26 اپریل 2025 11:25

لاہور(اُردو پوائنٹ اخبارتازہ ترین - این این آئی۔ 26 اپریل2025ء)پاکستان کے سپر اسٹار بیٹر بابر اعظم نے پی ایس ایل 10 میں لاہور قلندرز کے خلاف ایک ہی میچ میں لیگ کی تاریخ کے کئی ریکارڈز اپنے نام کر لیے۔

(جاری ہے)

طویل عرصہ سے بیٹنگ میں جدوجہد کرنے والے پاکستان کے اسٹار بیٹر اور پی ایس ایل میں پشاور زلمی کی قیادت کرنے والے بابر اعظم نے لاہور قلندرز کے خلاف نا قابل شکست نصف سنچری اسکور کر کے اپنی ٹیم کو دوسری فتح دلانے میں اہم کردار ادا کیا۔

تاہم اس کے ساتھ ہی وہ پی ایس ایل میں کئی ریکارڈز اپنے نام کرنے میں بھی کامیاب رہے۔بابر اعظم نے لاہور قلندرز کے خلاف 42 گیندوں پر 56 رنز کی اننگ کھیلی اور آؤٹ نہیں ہوئے۔ اس اننگ میں انہوں نے ایک چھکا لگانے کے ساتھ 7 چوکے بھی لگائے۔اس کے ساتھ ہی وہ پاکستان سپر لیگ کی تاریخ میں 400 چوکے لگانے والے پہلے بیٹر بن گئے۔ اس فہرست میں فخر زمان 254 چوکوں کے ساتھ دوسرے جب کہ محمد رضوان 236 چوکے لگا کر تیسرے نمبر پر ہیں۔