سعودی وزارت داخلہ کی فرضی کمپنیوں کے خلاف مہم، جعلی حج پرمٹ سے خبردار

جعلسازوں کی جانب سے عازمین کے لیے مخصوص کڑے فراہم کرنے کا بھی دعوی کیا جاتا ہے،بیان

ہفتہ 26 اپریل 2025 12:35

ریاض(اُردو پوائنٹ اخبارتازہ ترین - این این آئی۔ 26 اپریل2025ء)سعودی عرب کی وزارت داخلہ نے فرضی حج کمپنیوں اور جعلسازوں کے کے حوالے سے جعلسازوں سے خبردار کیا ہے۔

(جاری ہے)

میڈیارپورٹس کے مطابق سعودی وزارت داخلہ نے مختلف شہروں میں سوشل میڈیا پر فرضی حج سروسز کے حوالے سے اشتہاری مہم چلانے والوں کو حراست میں لے کر ان کے خلاف کارروائی کرتے ہوئے جعلسازوں کی جانب سے سادہ لوح افراد کو حج کرانے کا جھانسہ دیتے ہوئے انہیں مشاعر مقدسہ میں قیام اور حج قربانی و حج بدل کرنے کے بارے میں بھی غلط و نامناسب پیکیجز کی پیش کش کی جارہی ہے۔

وزارت نے کہا کہ جعلسازوں کی جانب سے عازمین کے لیے مخصوص کڑے فراہم کرنے کا بھی دعوی کیا جاتا ہے۔وزارت داخلہ کی جانب سے خبردار کرتے ہوئے مزید کہا گیا کہ حج کرنے کے خواہشمند وزارت کے پلیٹ فارم نسک کے ذریعے ہی بکنگ کرائیں جبکہ حج پرمٹ کے لیے منصبہ تصریح کو لانچ کیا گیا ہے۔حج قربانی و صدقہ وغیرہ کیلیے مملکت کے الاضاحی پروگرام کے ذریعے کوپن کی خریداری کی جا سکتی ہے۔ٹول فری نمبر پر رابطہ کر کے درست معلومات حاصل کی جا سکتی ہیں۔