ادارہ عربی و علوم اسلامیہ جی سی ویمن یونیورسٹی سیالکوٹ کی ایک اور کامیابی، اسکالر فریدہ بی بی نے اپنا پی ایچ ڈی مقالہ مکمل کر لیا

ہفتہ 26 اپریل 2025 18:10

سیالکوٹ (اُردو پوائنٹ اخبارتازہ ترین - اے پی پی۔ 26 اپریل2025ء) جی سی ویمن یونیورسٹی سیالکوٹ کے ادارہ عربی و علوم اسلامیہ کی اسکالر فریدہ بی بی نے اپنا پی ایچ ڈی مقالہ کا دفاع کامیابی سے مکمل کر لیا۔اسکالر فریدہ بی بی نے ڈاکٹر ولید خان کی زیر ِنگرانی "تعلیم و تربیت میں جذبات و احساسات کا کردار: خواتین کے منتخب مدارس دینیہ کا جائزہ"کے موضوع پر تحقیق مکمل کی۔

وائس چانسلر پروفیسر ڈاکٹر شازیہ بشیر نے اسکالر سے ملاقات کی اور انہیں مبارکباد دی ۔

(جاری ہے)

ڈائریکٹر ادارہ عربی و علوم اسلامیہ ڈاکٹر سیدہ سعدیہ وائس چانسلر پروفیسر ڈاکٹر شا زیہ بشیر کی علمی و انتظامی سرپرستی پر سپاس گزار ہوئیں۔ نیز مقالے کے بیرونی ممتحینین گورنمنٹ کالج یونیورسٹی لاہو ر سے پروفیسر ڈاکٹر محمد فاروق حیدر،نمل اسلام آباد کے ڈاکٹر نور حیات کی آمد پر انہیں خوش آمدید کہا اور شکریہ ادا کیا کہ وہ اپنا قیمتی وقت نکال کر تشریف لائے کنٹرولر امتخانات ملک گلشان اسلم اور ان کی ٹیم کی کارکردگی اور تعاون کو سراہا اور کاوشوں پر خصوصی شکریہ ادا کیا۔