Live Updates

سراج الحق سے غزہ کے مفتی اعظم مفتی محمود شوبکی کی ملاقات

ہفتہ 26 اپریل 2025 20:05

لاہور (اُردو پوائنٹ اخبارتازہ ترین - این این آئی۔ 26 اپریل2025ء)سابق امیر جماعت اسلامی پاکستان سراج الحق سے غزہ کے مفتی اعظم مفتی محمود شوبکی نے ملاقات کی۔ ملاقات میں غزہ کی موجودہ صورتحال پر تفصیلی تبادلہ خیال کیا گیا۔مفتی محمود شوبکی نے فلسطین میں جاری صہیونی مظالم اور معصوم شہریوں پر ہونے والے ظلم و ستم سے آگاہ کیا۔

(جاری ہے)

سراج الحق نے اس موقع پر کہا کہ پاکستانی عوام اپنے مظلوم فلسطینی بھائیوں کے غم میں برابر کے شریک ہیں۔ نہ صرف ان کے لیے دلوں میں غم بلکہ ان کی آزادی اور صہیونی قبضے کے خاتمے کے لیے دعا گو بھی ہیں۔ ملاقات میں امت مسلمہ کے اتحاد، فلسطینی عوام کی حمایت اور بین الاقوامی سطح پر مظلوم فلسطینیوں کی آواز بلند کرنے کی ضرورت پر بھی زور دیا گیا۔