بھارت جاکر کھیلنے میں کوئی دلچسپی نہیں، پاکستانی اوپنر گل فیروزہ کا بیان ، انڈین میڈیا برہم

جہاں بھی ورلڈکپ کے میچز کھیلے جائیں گے تو کنڈیشنز تقریباً ایک جیسی ہیں ہونگی : انٹرویو

ذیشان مہتاب اتوار 27 اپریل 2025 12:33

بھارت جاکر کھیلنے میں کوئی دلچسپی نہیں، پاکستانی اوپنر گل فیروزہ کا ..

لاہور (اردو پوائنٹ تازہ ترین اخبار ۔ 27 اپریل 2025ء) پاکستان ویمنز کرکٹ ٹیم کی جارح مزاج اوپنر گل فیروزہ نے کہا ہے کہ ہمیں بھارت جاکر کھیلنے میں کوئی دلچسپی نہیں ہے۔

پہلگام حملے کے بعد ایک انٹرویو میں ویمنز بیٹر گل فیروزہ نے بھارت نہ جانے کے حوالے سے گفتگو کرتے ہوئے کہا کہ ہم اتنا جانتے ہیں کہ ورلڈکپ کا ٹورنامنٹ ایشین کنڈیشنز میں ہی کھیلیں گے، تاہم ہم بھارت میں اپنے میچز نہیں کھیلیں گے۔

ویمنز ورلڈکپ کوالیفائر کے تین میچز میں پاکستان کیلئے اوپننگ کرنے والی فیروزہ نے کہا کہ یہ بالکل واضح ہے اور ہم بھارت میں کھیلنے میں کوئی دلچسپی بھی نہیں رکھتے۔

انھوں نے کہا کہ امکان یہی ہے کہ ہمارے میچز دبئی یا سری لنکا میں ہونگے اور یہاں کی کنڈیشنز بھی ایسی ہی ہیں جیسی کہ ایشیا کہ دیگر ممالک میں ہوتی ہیں۔

(جاری ہے)

گل فیروزہ نے کہا کہ ورلڈکپ کوالیفائر ہمارے ہوم گرائونڈ میں ہوئے تھے اور اسٹاف نے اسی مناسبت سے پچز تیار کی تھیں، جہاں بھی ورلڈکپ کے میچز کھیلے جائیں گے تو کنڈیشنز تقریباً ایک جیسی ہیں ہونگی۔

خیال رہے کہ پاکستان میں ہونے والی چیمپئنزٹرافی 2025ء کیلیے بھارت نے اپنی مرودوں کی کرکٹ ٹیم کو پاکستان بھیجنے سے انکار کیا تھا، جواب میں پاکستان نے بھی تمام طرز کی کرکٹ کیلیے اپنی ٹیموں کو بھارت نہ بھیجنے کا فیصلہ کیا تھا۔