سعودی وزیر کی ویٹیکن میں پوپ فرانسس کی آخری رسومات میں شرکت

اتوار 27 اپریل 2025 13:05

ریاض(اُردو پوائنٹ اخبارتازہ ترین - این این آئی۔ 27 اپریل2025ء)سعودی عرب کے وزیر مملکت برائے امورخارجہ و رکن کابینہ عادل الجبیر نے ویٹیکن میں پوپ فرانسس کی آخری رسومات میں شرکت کی ہے ۔عرب میڈیا کے مطابق پوپ فرانسس کی آخری رسومات میں اٹلی میں سعودی عرب کے سفیر شہزادہ فیصل بن سطام بن عبدالعزیز بھی شریک تھے۔

(جاری ہے)

عادل الجبیر نے مملکت کی قیادت کی جانب سے پوپ فرانسس کی موت پر کارڈینل پیٹرو پیرولن سیکرٹری آف سٹیٹ آف ویٹیکن سٹی کے وزیراعظم اور عالمی کیتھولک کمیونٹی سے تعزیت کا اظہار کیا۔واضح رہے کہ 21 اپریل کو کیتھولک مسیحیوں کے پیشوا پوپ فرانسس 88 برس کی عمر میں انتقال کر گئے تھے ۔پوپ فرانس کا تعلق ارجنٹینا سے تھا اور ان کا نام خورخے ماریو برگو لیو تھا۔