راولپنڈی پولیس کی جانب سے ناجائز اسلحہ رکھنے والوں کے خلاف کارروائیاں

اتوار 27 اپریل 2025 15:20

راولپنڈی (اُردو پوائنٹ اخبارتازہ ترین - اے پی پی۔ 27 اپریل2025ء) راولپنڈی پولیس کی جانب سے ناجائز اسلحہ رکھنے والوں کے خلاف کارروائیاں جاری ہیں، 4 ملزمان کو گرفتار کر کے اسلحہ معہ ایمونیشن برآمد کر لیا گیا۔ پولیس نے تمام ملزمان کے خلاف الگ ، الگ مقدمات درج کر لیے ہیں۔

(جاری ہے)

ترجمان پولیس کے مطابق تھانہ چونترہ پولیس نے ملزم ندیم سے 223 بور رائفل معہ ایمونیشن، ملزم رفیع سے 12 بور رائفل معہ ایمونیشن، تھانہ صادق آباد پولیس نے ملزم نعمان بشیر سے 30 بور پستول بمعہ ایمونیشن، تھانہ ٹیکسلا پولیس نے ملزم صادق سے 30 بور پستول معہ ایمونیشن برآمد کر لیا۔

ڈویژنل ایس پیز کا کہنا ہے کہ ہوائی فائرنگ کرنے والوں اور ناجائز اسلحہ رکھنے والوں کے خلاف سخت کارروائیاں بلا تفریق جاری رکھی جائیں گی تاکہ عوام کے جان و مال کا تحفظ یقینی بنایا جا سکے۔