فوڈ اتھارٹی کا آپریشن ، ہزاروں لیٹر دودھ، سینکڑوں من گوشت اور خراب بیکری آئیٹمز تلف

معروف فوڈپروڈکشن یونٹس کی چیکنگ کی گئی،ناقص انتظامات پر 2 بند، 10لاکھ 45ہزار کے جرمانے عائد

اتوار 27 اپریل 2025 18:00

لاہور(اُردو پوائنٹ اخبارتازہ ترین - این این آئی۔ 27 اپریل2025ء)پنجاب فوڈ اتھارٹی نے نے دودھ،گوشت،بیکری اشیاء کامعیارچیک کرنے کے لئے آپریشن کیا اور اس دوران 5ہزار400لٹردودھ، 3800 کلومضرصحت گوشت،2من سے زائدممنوعہ اشیاوبیکری تلف کردیں ،5معروف فوڈپروڈکشن یونٹس کی چیکنگ کی گئی،ناقص انتظامات پر 2 بند، 10لاکھ 45ہزار کے جرمانے عائد کیے گئے ، ناکہ بندیوں کے دوران 515 دودھ بردار گاڑیوں کی چیکنگ کی گئی ، 41ڈیری شاپس سے 4لاکھ 74ہزار لٹر دودھ کی چیکنگ کی گئی ۔

(جاری ہے)

ڈی جی فوڈ اتھارٹی کے مطابق ٹولنٹن مارکیٹ میں 92ہزار کلو سے زائد مرغیوں کی چیکنگ کی گئی، ملتان روڈ، رنگ روڈ، بابوصابو، شاہدرہ اور گجومتہ میں دودھ چیک کیا گیا، تلف کردہ گوشت اور دودھ لاہور کے مختلف علاقوں میں سپلائی کیا جانا تھا،صفائی کے ناقص انتظامات اور ملازمین کے میڈیکل موجود نہ ہونے پر یونٹس بند کردئیے گئے ۔ممنوعہ رنگوں اور کیمیکلز کی ملاوٹ سے مختلف سویٹس تیار کی جارہی تھی، بدبودار ماحول و گندے پروسیسنگ ایریا میں جوس تیار کرنے پر یونٹ بند کیا گیا، یونٹ میں حشرات کی بھرمار، بدبودار ماحول، انتہائی لازم ریکارڈ موجود نہ تھا۔