بلوچستان بورڈ ، انٹرمیڈیٹ کے سالانہ امتحانات 2 مئی سے شروع ہوں گے

پیر 28 اپریل 2025 12:51

کوئٹہ (اُردو پوائنٹ اخبارتازہ ترین - اے پی پی۔ 28 اپریل2025ء) بلوچستان بورڈ آف انٹرمیڈیٹ اینڈ سیکنڈری ایجوکیشن کے تحت ناگزیر وجوہات کی بنا پر ملتوی ہونے والے انٹرمیڈیٹ (ایف اے/ایف ایس سی) کے سالانہ امتحانات اب 2 مئی سے شروع ہوں گے۔

(جاری ہے)

چیئر بلوچستان بورڈ کے مطابق طلبہ، والدین اور دیگر متعلقہ فریقین کی سہولت کو مدنظر رکھتے ہوئے امتحانات کا نیا شیڈول جاری کر دیا گیا ہے نئے شیڈول کے مطابق انٹرمیڈیٹ کے سالانہ امتحانات 2 مئی سے شروع ہوں گے۔

اس سلسلے میں تمام متعلقہ اداروں، طلبہ اور والدین کو ہدایت کی گئی ہے کہ وہ کسی بھی قسم کی معاونت و معلومات کے لئے چیئرمین آفس سے رجوع کر سکتے ہیں۔ واضح رہے کہ بلوچستان بورڈ آف انٹرمیڈیٹ اینڈ سیکنڈری ایجوکیشن کے تحت صوبے بھر میں انٹرمیڈیٹ (ایف اے/ایف ایس سی) کے سالانہ امتحانات 22 اپریل سے شروع ہونے تھے جو بعض ناگزیر وجوہات کی بنا پر تین ہفتوں کے لیے ملتوی کر دیئے گئے تھے۔

Facebook Twitter Google + Share on Whatsapp

بلوچستان بورڈ ، انٹرمیڈیٹ کے سالانہ امتحانات 2 مئی سے شروع ہوں گے

متعلقہ عنوان :

مزید تعلیم کی خبریں