مملکت فلسطینیوں کی بھر پور حامی ہی: حکومتی ترجمان کی یقین دہانی

اردن مقبوضہ مغربی کنارے اور یروشلم میں فلسطینیوں کے حق دفاع کے ساتھ کھڑا ہے،ترجمان

پیر 28 اپریل 2025 14:34

عمان (اُردو پوائنٹ اخبارتازہ ترین - این این آئی۔ 28 اپریل2025ء)ردن کے حکومتی ترجمان نے اپنے عوام کو یقین دلاتے ہوئے کہا ہے کہ مملکت آج بھی فلسطینیوں کی حمایت کرنے کے ارادے پرقائم ہے۔غیرملکی خبررساں ادارے کے مطابق اردنی ترجمان نے اس امر کی یقین دہانی فلسطین میں پہلے شہید ہونے والے اردنی قائد المفلح عبیدات کے یوم شہادت پر جاری کردہ بیان میں کی ہے۔

اردن کے وزیر مواصلات محمد مومنی حکومتی ترجمان بھی ہیں۔ انہوں نے اعلان کیا ہے کہ 'اردن فلسطینیوں کے حق خود ارادیت کی حمایت کرتی ہے۔ اردن مقبوضہ مغربی کنارے اور یروشلم میں فلسطینیوں کے حق دفاع کے ساتھ کھڑا ہے۔'ترجمان نے کہا ' اردن آج بھی فلسطینیوں کی ریاست کی آزادی کا حامی ہے۔ ایسی ریاست جس کا دارالحکومت مشرقی یروشلم ہو گا۔

(جاری ہے)

تاہم اردن کے داخلی استحکام کی قیمت پر نہیں ہونی چاہیے ، نیز ہاشمی خاندان کی قیادت اور عرب فوج اور سیکیورٹی اداروں کے پیچھے قوم کو متحد رہنا چاہیے۔

'انہوں نے فلسطین پر اردن کے اس قربان ہوجانے والے رہنما الفلح عبیدات شہید کو یاد کرتے ہوئے کہا' ہم اردنی لوگوں کی فلسطین کے لیے کمٹمنٹ بہت گہری اور دیرینہ ہے۔ اس حمایت کی جڑیں ہمارے دین میں ہیں ہماری اخلاقی اقدار اور انسانیت کے لیے ذمہ داریوں کے بدولت ہے۔ ہم سمجھتے ہیں فلسطینی ریاست خود اردن کے حق میں ہو گی۔'انہوں نے مزید کہا 'یہی وجہ ہے کہ اردن کے شاہ عبداللہ دوم اور ولی عہد شہزادہ حسین علاقے میں سخت ہلچل اور افراتفری کے باوجود فلسطین کاز کے چمپیئن کے طور آج بھی موجود ہیں۔'