Live Updates

قوم سیکیورٹی فورسز کی لازوال قربانیوں کو کبھی فراموش نہیں کرے گی،شرافت علی خلجی

خوارجی دہشتگردوں کو اپنے انجام تک پہنچانے کیلئے سیکیورٹی فورسز کا غیر متزلزل عزم قابل ستائش ہے

پیر 28 اپریل 2025 16:11

مظفرآباد (اُردو پوائنٹ اخبارتازہ ترین - این این آئی۔ 28 اپریل2025ء)مرکزی سیکرٹری اطلاعات ونشریات مسلم لیگ ن یوتھ ونگ آزاد جموں وکشمیر شرافت علی خلجی نے خیبر پختونخواہ میں مختلف کارروائیوں کے دوران 15 خوارجی دہشتگردوں کو جہنم واصل کرنے پر سیکیورٹی فورسز کو خراج تحسین کیا ہے شرافت علی خلجی نے خوارجی دہشتگردوں کا بہادری سے مقابلہ کرتے ہوئے شہید ہونے والے لانس نائیک عثمان محمد اور سپاہی عمران خان کو خراج عقیدت پیش کیا۔

شرافت علی خلجی کا شہید لانس نائیک عثمان محمد اور شہید سپاہی عمران خان کے لواحقین سے دلی تعزیت اور ہمدردی کا اظہار کیا۔انھوں نے کہا کہ شہید لانس نائیک عثمان محمد اور شہید سپاہی عمران خان کی لازوال قربانیوں کو ہمیشہ یاد رکھا جائے گا،قوم سیکیورٹی فورسز کی لازوال قربانیوں کو کبھی فراموش نہیں کرے گی۔

(جاری ہے)

انھوں نے مزید کہا کہ پاکستان کے بہادر سپوتوں نے وطن کے دفاع اور سلامتی کی خاطر بے مثال قربانیاں دی ہیں،پوری قوم سیکیورٹی فورسز کی جرات اور بہادری کو سلام پیش کرتی ہے۔

ان کا کہنا تھا کہ خوارجی دہشتگردوں کو اپنے انجام تک پہنچانے کیلئے سیکیورٹی فورسز کا غیر متزلزل عزم قابل ستائش ہے، قوم کو سیکیورٹی فورسز کی پیشہ ورانہ صلاحیتوں پر فخر ہے،انھوں نے اللہ تعالیٰ سے شہداء کے درجات کی بلندی اور لواحقین کیلئے صبر جمیل کی دعا بھی کی۔