Live Updates

الخدمت فانڈیشن کی جانب سے غزہ کے لیے 26 ویں امدادی کھیپ اردن پہنچ گئی

پیر 28 اپریل 2025 23:21

لاہور (اُردو پوائنٹ اخبارتازہ ترین - این این آئی۔ 28 اپریل2025ء) الخدمت فائونڈیشن پاکستان کی جانب سے غزہ کے جنگ زدہ عوام کے لیے 40ٹن امدادی سامان اردن کے دارالحکومت عمان پہنچ گیا ،فلسطین کے مظلوم مسلمانوں کے ئے اہل پاکستان کی جانب سے الخدمت فائوئونڈیشن نے کراچی سے امدادی سامان روانہ کیا ۔الخدمت فائونڈیشن کے صدر ڈاکٹر حفیظ الرحمن کا کہناتھا کہ حکومت پاکستان اور نیشنل ڈیزاسٹر مینجمنٹ اتھارٹی کے تعاون سے بھیجے جانے والے امدادی سامان میں 20ٹن ادویات، 05ٹن ہائی جین کٹس اور 15ٹن خیمے شامل ہیں۔

الخدمت فائونڈیشن پاکستان نے رمضان المبارک کے موقع پر غزہ کے محصور اور متاثرہ عوام کی مدد کے لیے 900ٹن امدادی سامان فضائی کارگو کے ذریعے روانہ کرنے کا فیصلہ کیا تھا۔

(جاری ہے)

لیکن بدقسمتی سے مصر و اردن کے تمام سرحدی راستوں کی بندش کی وجہ سے رمضان المبارک کے دوران یہ امدادی سامان غزہ تک نہ پہنچ سکا۔ امدادی سامان کی ترسیل حکومت پاکستان، الخدمت فائونڈیشن پاکستان اور رائل میڈیکل سروسز آف جورڈن کی مسلسل سفارتی اور انتظامی کوششوں کے نتیجے میں ممکن بنائی جاسکی۔

ڈاکٹر حفیظ الرحمن نے بتایا کہ الخدمت فائونڈیشن پاکستان کے لاہور اور کراچی کے گوداموں میں موجود900ٹن امدادی سامان کی روانگی کے لیے تیاریاں مکمل کی جا چکی ہیں۔ آئندہ دنوں میں ادویات، خیموں، ترپال، سلیپنگ بیگز اور ٹن فوڈ پر مشتمل یہ سامان 6سی7طیاروں کے ذریعے مرحلہ وار اردن اور مصر کے ذریعے غزہ بھیجا جائے گا۔اس سے قبل الخدمت فائونڈیشن کی جانب سے حکومت پاکستان، نیشنل ڈیزاسٹر مینجمنٹ اتھارٹی، جارڈن ہاشمائیٹ چیریٹی آرگنائزیشن اور رائل میڈیکل سروسز کے تعاون سے 19طیاروں اور 04 بحری جہازوں کے ذریعی6 ارب روپے مالیت کا3800 ٹن امدادی سامان مصر اور اردن کے راستے غزہ روانہ کیا جا چکا ہے۔